პოლიტიკა
კონსტიტუცია არცერთ პიროვნებაზე მორგებით არ იწერება და მით უმეტეს, არცერთი პიროვნების განცხადების ტონიდან გამომდინარე - გიორგი მარგველაშვილი
საქართველოს პრეზიდენტის, გიორგი მარგველაშვილის განცხადებით, კონსიტუცია ერთ პიროვნებაზე მორგებით არ იწერება.
"კონსტიტუცია არცერთ პიროვნებაზე მორგებით არ იწერება და, მითუმეტეს, არცერთი პიროვნების განცხადების ტონიდან გამომდინარე. კონსტიტუცია იწერება საერთო თანხმობით. ამიტომ მქონდა პოზიცია, რომ მე, გიორგი კვირიკაშვილი და ირაკლი კობახიძე ვყოფილიყავით კომისიის თანათავმჯდომარეები. მინდოდა, რომ პროცესი ყოფილიყო რაც შეიძლება გახსნილი. როდესაც გაჟღერდა კონსტიტუციის ფუნდამენტურ შეცვლაზე საკითხი, ასეთი ცვლილება აპრიორი გულისხმობს, რომ ამ ცვლილების მონაწილე ვართ ხალხი. იმიტომ რომ კონსტიტუცია არის ძირითადი თანხმობა როგორ ვიცხოვრებთ. ეს უნდა იყოს ხალხის დოკუმენტი," - განაცხადა საქართველოს პრეზიდენტმა გიორგი მარგველაშვილმა გადაცემა "იმედის დროში."
მისი თქმით, კონსტიტუციის შეცვლის მოტივაციის თაობაზე, თუ რატომ უნდა შეიცვალოს და გადაიხედოს კონსტიტუცია, საზოგადოებას არცერთი არგუმენტი არ მოუსმენია.
ცნობისათვის: საქართველოს პარლამენტის თავმჯდომარემ, ირაკლი კობახიძემ საკონსტიტუციო კომისიაზე განაცხადა, რომ მომდევნო არჩევნებამდე პრეზიდენტი ისევ პირდაპირი წესით უნდა აირჩეს, 7 წლის შემდეგ კი - არაპირდაპირით. ამის პასუხად, საქართველოს პრეზიდენტმა თქვა, რომ საკონსტიტუციო კომისია არა კონსტიტუციის შინაარსობრივ გადახედვაზე, არამედ პრეზიდენტთან დაკავშირებული გადაწყვეტილების მიღებაზე მუშაობს.
ქვეყნის პირველი პირის ამ განცხადებას ირაკლი კობახიძემ არაკორექტული უწოდა და მარგველაშვილი საკონსტიტუციო კომისიის დისკრედიტაციასა და საზოგადოების შეცდომაში შეყვანაში დაადანაშაულა.
ნინო ექვთიმიშვილი
საკვანძო სიტყვები:
არჩევნების მეორე ტურის სამუშაო დღეს დანიშვნა ალბათ გაურთულებს ჩვენს დიასპორას არჩევნებში მონაწილეობის მიღებას - სალომე ზურაბიშვილი
14 ნოემბერი, 2018 , 17:00
აუდიტის სამსახური „ნაცმოძრაობის“ საწინააღმდეგო მოძრაობის ფინანსებს შეისწავლის
14 ნოემბერი, 2018 , 17:00
აშშ-ს ახალი ელჩის მოვალეობის შემსრულებელმა ერთ-ერთი პირველი შეხვედრა გიორგი გახარიასთან გამართა
14 ნოემბერი, 2018 , 17:00
ფინანსთა სამინისტროს პოზიცია არ პასუხობს მთავრობის პოლიტიკას და არ იმსახურებს სტუდენტების მხარდაჭერას -„ახალგაზრდა ადვოკატები“ -
14 ნოემბერი, 2018 , 16:35
საამაყოა,რომ ევროპარლამენტში საქართველომ უპრეცედენტოდ პოზიტიური შეფასებები მიიღო და ევროინტეგრაციის კუთხით, შეფასდა როგორც ყველაზე წარმატებული ქვეყანა - მამუკა ბახტაძე
14 ნოემბერი, 2018 , 16:00
ლევან იზორია GDRP-ის ფარგლებში 32-ე ბატალიონის დასკვნით საველე წვრთნას დაესწრო
14 ნოემბერი, 2018 , 16:00
