უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
პოლიტიკა
„კონსტიტუცია ყველასია“ კამპანიის ფარგლებში პრეზიდენტი საზოგადოებას არასწორ ინფორმაციას აწვდის - ირაკლი კობახიძე
საქართველოს პარლამენტის თავმჯდომარის, ირაკლი კობახიძის განცხადებით, პრეზიდენტის კამპანია „კონსტიტუცია ყველასია“ პარლამენტის წინააღმდეგაა მიმართული.
„სამწუხაროდ წარიმართა სახელმწიფო საკონსტიტუციო კომისიის საწინააღმდეგო კამპანია პრეზიდენტის მიერ. ეს უკვე გარდაიქმნა პარლამენტის საწინააღმდეგო კამპანიად, რაც არის ძალიან სამწუხარო მოვლენა“,- განაცხადა კობახიძემ.
მისი თქმით, პრეზიდენტი საზოგადოებას არასწორ ინფორმაციას აწვდის საკონსტიტუციო ცვლილებებზე. კობახიძის შეფასებით, კამპანია არაეფექტური იქნება, რადგან განხილვები მანამდე დაიწყო, სანამ კონსტიტუციის ახალ ვერსიას მიიღებდნენ.
„პირდაპირ გეტყვით, რომ განსაკუთრებულ შედეგებს ამ კამპანიიდან არ ველოდები, სხვადასხვა მიზეზის გამო - საყოველთაო სახალხო განხილვა ლოგიკურად შეიძლება დაიწყოს მას შემდეგ, რაც პროდუქტი იქნება მზად. წარმოიდგინეთ, რომ კამპანია დაიწყო იმ პირობებში, როდესაც ჯერ ცვლილებებიც არ იყო მომზადებული. ეს არის აბსოლუტური ნონსენსი, რაზეც ჩვენი წარმომადგენლები ძალიან ხშირად საუბრობდნენ. თუ შენ მოსახლეობას არ ესაუბრები კონკრეტულ ცვლილებებზე, ბუნებრივია, ასეთ დროს საყოველთაო სახალხო განხილვას ვერ ექნება ეფექტი. მეორე და მთავარი მიზეზი მდგომარეობს იმაში, რომ ამ კამპანიის ფარგლებში საქართველოს პრეზიდენტი აწვდის არასწორ ინფორმაციას საზოგადოებას. ჩვენ მოვისმინეთ არაერთი ტყუილიც. პირდაპირ ვიტყვი, ეს არის განსაკუთრებით შემაშფოთებელი და სამწუხარო, როცა ჩვენ ვსაუბრობთ საქართველოს პრეზიდენტის მიერ საზოგადოების ინფორმირებაზე“,- თქვა პარლამენტის თავმჯდომარემ.
დეზინფორმაციის მაგალითად კობახიძემ დაასახელა პრეზიდენტის განცხადება, თითქოს პრემიერ-მინისტრს აქვს შესაძლებლობა, მშვიდობიანობის პერიოდში ჯარების თავისი გადაწყვეტილებით გადაადგილების.
ანა მებურიშვილი