პოლიტიკა

კონსტიტუციაში საგარეო კურსის ამსახველი ჩანაწერით გამოვრიცხავთ იმ პარტიების მონაწილეობას, რომლებიც ამ პრინციპს მხარს არ უჭერს - ბექა ნაცვლიშვილი

საპარლამენტო უმრავლესობის წევრი, ბექა ნაცვლიშვილი ინიციატივით გამოვიდა, რომ საკონსტიტუციო პროექტიდან იყოს ამოღებული ჩანაწერი ქვეყნის ევროატლანტიკური საგარეო კურსის შესახებ.

ნაცვლიშვილმა იურიდიულ საკითხთა კომიტეტის სხდომაზე, საკონსტიტუციო ცვლილებების მეორე მოსმენით განხილვისას განმარტა, რომ ეს ჩანაწერი ზღუდავს პოლიტიკურად ნეიტრალური ან სხვა საგარეო კურსის მქონე ძალების საქმიანობას.

„იმ პოლიტიკურმა ძალამ, რომელიც პოლიტიკურად ნეიტრალურია ან სხვა საგარეო პოლიტიკური კურსის განხორციელებას გეგმავს, როგორ უნდა განახორციელეოს ეს პოლიტიკა, თუ ამას ჩვენ კონსტიტუციაში ჩავწერთ?

ვინმე უბადრუკი ოპოზიციის წარმომადგენელი თუ იტყვის, რომ მე პრორუსული განწყობებით გამოვირჩევი, შეიძლება ეს ითქვას და დამაბრალოს. როგორ შეიძლება, რომ საგარეო პოლიტიკური ორიენტირი ავსახოთ. პოლიტიკურ ცხოვრებაში ყველა იმ პოლიტიკური პარტიის მონაწილეობას ვრიცხავთ, რომლებიც ამ პრინციპს მხარს არ უჭერს“, - განაცხადა ნაცვლიშვილმა.