უკან
საზოგადოება
19 ივნისი, 2017 15:25
კონსტიტუციურ მონარქიას სრული ეროვნული თანმობა სჭირდება - ალექსანდრე ჯეჯელავა
ვიცე-პრემიერის, განათლებისა და მეცნიერების მინისტრის, ალექსანდრე ჯეჯელავას განცხადებით, კონსტიტუციური მონარქიის წყობის შესახებ გადაწყვეტილება ქართველმა ხალხმა უნდა მიიღოს.
როგორც ჯეჯელავამ პატრიარქის ინიციატივის კომენტირებისას აღნიშნა, მთავრობის პოზიცია სწორედ ხალხის ნების შესაბამისი იქნება.
„ეს ისეთი საკითხია, რომელსაც სრული ეროვნული თანმობა სჭირდება. პირველ რიგში უნდა ვთქვათ, რომ პატრიარქის ინიციატივა, რა თქმა უნდა, საყურადღებოა და მეორე რიგში უნდა, მთელმა ქართველმა ხალხმა და ერმა უნდა მიიღოს ასეთ გადაწყვეტილებაში მონაწილეობა. ჩვენი პოზიცია, როგორც მთავრობის, იქნება გამომდინარე სწორედ ქართველი ხალხის ნებიდან“,-განაცხადა ალექსანდრე ჯეჯელავამ.
კონსტიტუციური მონარქიის საჭიროების საკითხზე, პატრიარქმა საკვირაო წირვაზე იქადაგა.
მონიკა დავლიანიძე