საზოგადოება

კონცენტრირება უნდა მოვახდინოთ ხანძრის დამარცხებაზე - ანა დოლიძე

პრეზიდენტის საპარლამენტო მდივნის, ანა დოლიძის განცხადებით, ხანძრის გამომწვევი მიზეზების გაანალიზების დრო ცეცხლის საბოლოო ჩაქრობის შემდეგ დადგება. დოლიძის თქმით, უმჯობესია, ყურადღების გამახვილება სახანძრო-სამაშველო სპეცოპერაციის წარმატებით დასრულებაზე.

„როდესაც გამოჩნდა შეიარაღებული ძალების შემადგენლობის ჩართვის აუცილებლობა, სწორედ მაშინ იყო ეს მოთხოვნილი შესაბამისი პირების მიერ, ვინც ყოველწამიერად არის ჩართული ამ ოპერაციაში. სწორედ მაშინ იქნა გადაწყვეტილება მიღებული შეიარაღებული ძალების ჩართვის შესახებ. დარწმუნებული ვარ, რომ ბევრს აქვს კითხვა ამასთან დაკავშირებით. თუმცა, როცა ყველაფერი დასრულდება, იქნება ოპერაციის სიღრმისეული ანალიზი, კვლევა, გამოძიება და მასზე მსჯელობა.

ამ ეტაპზე ყველამ იცის, რომ ბევრი ჩვენი მოქალაქე და თანამშრომელი ჩართულია ძალიან მძიმე საქმიანობაში, რომ გადალახოს ეს სტიქია. ჩვენი მხრიდან ყველაზე სწორი იქნება, კონცეტრირება მოვახდინოთ იმაზე, რომ წარმატებით დავამარცხოთ ეს ხანძარი. ამის შემდეგ დარწმუნებული ვარ, ყველა ჩვენგანს ექნება ბევრი რამ სასწავლი და გასაანალიზებელი.

ჩვენ საქმე გვაქვს ძალიან სერიოზულ სტიქიასთან. ფართომასშტაბიან სტიქიურ მოვლენებთან. ბუნებრივია, როგორც კი დასრულდება მასთან გამკლავება, ისე როგორც ხდება ყველა ევროპულ სახელმწიფოში, შემდეგ ძალიან ბევრი დაფიქრება და ვითარების შესწავლა იქნება აუცილებელი. იქნება ეს სისხლის სამრთლის საქმე თუ უბრალოდ ანალიტიკური“, - თქვა დოლიძემ.

დღეს პარლამენტის რიგგარეშე სხდომა გაიმართება, სადაც იმსჯელებენ სტიქიის ზონაში სამხედრო ძალის გამოყენებასთან დაკავშირებით. შეგახსენებთ, საქართველოს პრემიერ-მინისტრმა გიორგი კვირიკაშვილმა საქართველოს პრეზიდენტს, გიორგი მარგველაშვილს ქვეყნის რეგიონებში გაჩნილი ხანძრის ლიკვიდაციის მიზნით, „სამხედრო ძალების გამოყენების წარდგინებით“ მიმართა.

ბორჯომის ხეობასი ხანზარი 20 აგვისტოს გაჩნდა. ამ ეტაპზე ცეცხლი ლოკალიზებულია და დარჩენილია რამდენიმე კერა.

ანა მებურიშვილი