საზოგადოება

კორონავირუსის ახალი შემთხვევიდან 1 სამედიცინო პერსონალია, ხოლო 1-ის წყარო უცნობია - მარინა ეზუგბაია

თბილისის ინფექციური საავადმყოფოს კლინიკური დირექტორის, მარინა ეზუგბაიას ინფორმაციით, დღეს დადასტურებული ცხრა ახალი შემთხვევიდან 1 სამედიცინო პერსონალია, ხოლო 1-ის წყარო უცნობია და მისი კონტაქტების მოკვლევა გრძელდება.

"დღეს დაგვემატა ცხრა ახალი დადასტურებული შემთხვევა და ამჟამად არის 1394 დადასტურებული შემთხვევა. მათგან 4 არის კონტაქტი დადასტურებულ შემთხვევასთან, 1 გახლავთ სამედიცინო პერსონალი, 3 გახლავთ შემოტანილი შემთხვევა, 1 შემთხვევაზე გრძელდება ეპიდკვლევა კონტაქტების მოძიების თვალსაზრისით, რომ დადგინდეს წყარო.

გამოჯანმრთელებულების რიცხვი მხოლოდ 4-ით გაიზარდა, იყო 1128 და გახლავთ 1132,"- განაცხადა მარინა ეზუგბაიამ.