კომენტარი

კორონავირუსის მკურნალობის ხარჯებს სრულად ფარავს სახელმწიფო, თუმცა არის მოსაზრება, ამაში კერძო სადაზღვევო კომპანიებიც ჩაერთონ - ეკატერინე ტიკარაძე

კორონავირუსის მკურნალობის ხარჯებს სრულად ფარავს სახელმწიფო, თუმცა არის მოსაზრება, ამაში კერძო სადაზღვევო კომპანიებიც ჩაერთონ, - ამის შესახებ ჯანდაცვის მინისტრმა - ეკატერინე ტიკარაძემ განაცხადა.

ჯანდაცვის მინისტრმა განმარტა, რომ გაიმართება მოლაპარაკებები და გადაწყვეტილება შემდეგ გახდება ცნობილი.

„დღევანდელ ეტაპზე, კოვიდინფექციაზე მკურნალობის ხარჯებს სრულად ფარავს სახელმწიფო, თუმცა მოსაზრებები არსებობს, რომ კერძო სადაზღვევო კომპანიები ჩაერთონ, როგორც ონლაინმომსახურებაში, თავად ონლაინ ხაზის გასაძლიერებლად, ასევე ფინანსურ მხარდაჭერაში. ამასთან დაკავშირებით ჩვენ მოლაპარაკებებს გავმართავთ და ეს საკითხი მას შემდეგ გახდება ცნობილი, რაც ერთობლივ გადაწყვეტილებას მივიღებთ სადაზღვევო კომპანიებთან ერთად“, – განაცხადა ეკატერინე ტიკარაძემ.