საზოგადოება

კორონავირუსით ინფიცირებული ორი პაციენტის მდგომარეობა კრიტიკულია - მარინა ეზუგბაია

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ ცენტრში მოთავსებული კორონავირუსით ინფიცირებული ორი ახალი პაციენტიდან ერთის მდგომარეობა მძიმეა, თუმცა არა კრიტიკული.

„დაგვემატა კიდევ ერთი ახალი მძიმე პაციენტი. როცა შემოვიდა იყო საშუალოზე მძიმე, მაგრამ დაავადებამ განიცადა პროგრესირება. მიუხედავად დაწყებული მკურნალობისა, მისი მდგომარეობა ამ ეტაპზე მძიმეა, მაგრამ არა კრიტიკული“ ,- განაცხადა ეზუგბაიამ.

რაც შეეხება კორონავირუსით ინფცირებულ ძველ პაციენტებს, ეზუგბაია ამბობს, რომ ვითარება უცვლელია.

„დანარჩენი ოთხი პაციენტის მდგომარეობა უცვლელია. ამ ოთხიდან ორი გვყავს კრიტიკული, სტაბილიზირება ჯერ ვერ მოხერხდა, თუმცა დანარჩენი ორის სტაბილიზაცია არის და რამდენიმე დღეს დავაკვირდებით და შემდეგ ვიტყვით პროგნოზულად გამოსავალი როგორი გვექნება“ ,- განაცხადა ეზუგბაიამ.