კომენტარი

კორუფცია და ნეპოტიზმი უმკაცრესად დასჯადი უნდა იყოს - რომან კაკულია

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია მიიჩნევს, რომ კორუფცია და ნეპოტიზმი უმკაცრესად დასჯადი უნდა იყოს.

დეპუტატის თქმით, ბიუჯეტის თანხებთან დაკავშირებული გადაცდომები სულ ცოტა 10 წლიანი პატიმრობით უნდა ისჯებოდეს.

„ეს უნდა იყოს აბსოლუტურად ხელშეუხებელი თემა. ასევე, უმკაცრესს გავხდიდი ნეპოტიზმთან დაკავშირებულ კანონმდებლობასაც. ეს ორი თემა უნდა მოიხსნას ერთხელ და სამუდამოდ. იმ ქვეყანაში, სადაც თანხები არის შეზღუდული საზოგადოებამ უნდა იცოდეს, რომ მთავრობა რასაც ხარჯავს, სწორად ხარჯავს და კორუფცია არის გამორიცხული“, – განაცხადა კაკულიამ და აღნიშნა, რომ ამ საკითხს აუცილებლად წამოწევს.

მისი თქმით, ნეპოტიზმი არ უნდა იყოს ჩვეულებრივი დანაშაული.