უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
სამართალი
კოსნტიტუციაში უნდა გაჩნდეს ჩანაწერი, რომელიც მაუწყებელს პოლიტიკური გავლენებისგან ათავისუფლებს - ვახუშტი მენაბდე
კონსტიტუციონალისტები, მესამე სექტორი საკონსტიტუციო ცვლილებებზე მომუშავე სახელმწიფო კომისიას ინიციატივით მიმართავს, რომ კონსტიტუციაში საზოგადოებრივ მაუწყებელთან დაკავშირებით ცალკე ჩანაწერი გაჩნდეს.
როგორც საკითხის კომენტირებისას კონსტიტუციონალისტმა ვახუშტი მენაბდემ განაცხადა, მოქალაქეები კონსტიტუციის დონეზე უნდა ფლობდნენ უფლებას, რომ ჰქონდეთ პოლიტიკური და კომერციული გავლენებისგან თავისუფალი ტელევიზია.
„ჩვენ მიგვაჩნია, რომ უნდა არსებობდეს კონსტიტუციური ჩანაწერი. კონსტიტუციურ დონეზე უნდა იყოს საქართველოს მოქალაქეთა უფლება გარანტირებული, რომ ჰქოდეს საზოგადოებრივი მაუწყებელი, რომელიც თავისუფალი იქნება სახელმწიფო და კომერციული გავლენებისგან და რომელიც დააკმაყოფილებს კულტურულ, სოციალურ და პოლიტიკურ ინტერესს, მიუხედავად იმისა, თუ რა ზომის ჯგუფს აწუხებს ის“,-აღნიშნა მენაბდემ.
ლეიბორისტული პარტიის წევრის გიორგი გუგავას თქმით, კი საზოგადოებრივი მაუწყებლის დამოუკიდებლობის საკითხს კონსტიტუციური ჩანაწერი ვერ უშველის, არამედ, მისი თქმით, ამას პოლიტიკური ნება სჭირდება.
„ბოლო 19 წლის მანძილზე, როდესაც ის ასეთი ფორმით ჩამოყალიბდა, წარმოადგენდა ხელისუფლების რუპორს, მის ბერკეტს და სრულყოფილად არ ასრულებდა იმ ფუნქციას, რაც იდეაში დევს საზოგადოებრივი მაუწყებლის ინსტიტუციაში. სამწუხაროა, ამას კონსტიტუცია ვერ უშველის, ამას უშველის პოლიტიკური ნება“,-აღნიშნა გუგავამ.
საპარლამენტო უმრავლესობის წევრი სოფო კილაძე მიიჩნევს, რომ კონსტიტუციაში ცალკე ჩანაწერის გაკეთება საჭირო არ არის, რადგან საქართველოში მედია ისედაც თავისუფალია.
„რამდენად მიზანშეწონილია, რომ გამოვყოთ მხოლოდ საზოგადოებრივი მაუწყებელი, სამართლებრივად და დოგმატურად, იურიდიული კუთხით თუ მივუდგებით - მე არ ვფიქრობ, რომ ეს ლოგიკური იყოს, იმიტომ რომ ისედაც დამოუკიდებელია ის, მედიის დამოუკიდებლობა განსაზღვრულია ისედაც“,-აღნიშნა კილაძემ.
მონიკა დავლიანიძე