მოზაიკა

„კოსტაობა-2017“ დასრულდა

„კოსტაობა-2017“ დასრულდა. დიდი ოსი პოეტის, საზოგადო მოღვაწისა და ოსური ლიტერატურული ენის ფუძემდებლის კოსტა ხეთაგუროვისადმი მიძღვნილი ღონისძიება ორი დღე გაგრძელდა.

თბილისში ღონისძება ეთნოგრაფიულ მუზეუმში გაიმართა, სადაც მოეწყო გამოფენა ღია ცის ქვეშ, ხელნაკეთი ნივთების ექსპოზიცია, კონცერტი და საზოგადო მოღვაწეების გამოსვლები.

მეორე დღეს, 15 ოქტომბერს, „კოსტაობა“ სოფელ არეშფერანში(ლაგოდეხის რაიონი) აღნიშნეს, სადაც ოსმა ქალბატონებმა მოამზადეს ოსური ხაჭაპურები და ჯიკა(ყველის ფაფა). ყველა მსურველს ასევე შეეძლო დაეგემოვნებინა მწვადი, ხაშლამა და ჩურჩხელა.

სოფელ არეშფერანში მოეწყო სცენა, სადაც ბაშვებმა და მოზარდებმა წარმოადგინეს ქართული და ოსური სიმღერები და ცეკვები. ასევე, ჩატარდა საფეხბურთო მატჩი, ამხანაგური თამაში ფრენბურთში, ტრადიციული დოღი და ჭიდაობა.

შეგახსენებთ, რომ „კოსტაობას“ სხვა ქვეყნებშიც 15 ოქტომბერს აღნიშნავენ.