კომენტარი

ყოველი მომდევნო ჩანაწერი, მაფიქრებინებს, რომ ეს მოვლენა უფრო და უფრო აბსურდული ხდება - ივანე მაჭავარიანი

ყოველი მომდევნო ჩანაწერი, მე მაძლევს საფუძველს იმისა, ვიფიქრო, რომ ეს მოვლენა უფრო და უფრო აბსურდული ხდება, - განაცხადა „ომეგა ჯგუფთან" დაკავშირებით შექმნილ ვითარებაზე საუბრისას ფინანსთა მინისტრმა ივანე მაჭავარიანმა.

მინისტრის თქმით, ჩემთვის ყველაფერი ცხადია, კითხვის ნიშანი არ არსებობს ,,ომეგას“ საკითხთან დაკავშირებით.

მაჭავარიანის განცხადებით, „ომეგა ჯგუფის" წარმომადგენლები უამრავ რამეს იტყუებიან, მათ შორის პირადად მასთან ურთიერთობაში.

„ ჩემთან ურთიერთობის პერიოდში იმდენ რამეს იტყუებოდნენ, რომ დარწმუნებული ვარ, სხვა დანარჩენიც ამ ტყუილებით არის. მათშორის გუშინდელი მაგალითიც რომ ავიღოთ, ფინანსთა სამინისტროსთან მათ წარმომადგენლებს აქცია ჰქონდათ და გამოაცხადეს, ფინანსთა მინისტრი გაიპარაო, როცა საღამოს 10 საათამდე ოფისში ვიყავი",- განაცხადა მაჭავარიანმა.