უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
მსოფლიო
კრემლი ამჟამად მეზობლებზე თავდასხმის სცენარს ამუშავებს - ლიტვის პრეზიდენტი
რუსეთის დელეგაციამ დატოვა გაეროს გენერალური ასამბლეის დარბაზი ლიტვის პრეზიდენტის, დალია გრიბაუსკაიტეს გამოსვლის წინ. პროტესტის მიზეზი გახდა გრიბაუსკაიტეს კრიტიკა რუსულ-ბელორუსული ერთობლივი სამხედრო სწავლების „Запад-2017“-ის მიმართ.
ლიტვის პრეზიდენტის შეფასებით, რუსეთი ამ სწავლებებით მეზობლებზე თავდასხმისთვის ემზადება.
„კრემლი ამჟამად მეზობლებზე თავდასხმის სცენარს ამუშავებს. ისინი ამზადებენ თავიანთ სამხედროებს, რომ თავს დაესხას დასავლეთს. მსგავსი სწავლებები არის ინფორმაციული ომის ნაწილი, რომელიც მიმართულია გაურკვევლობისა და შიშის გასავრცელებლად. მეტიც, ჩვენ გვაღელვებს, რომ „Запад-2017“ არის სიმპტომი, რომ კრემლი უძლურია, დაძლიოს თავისი ზიზღი დასავლეთისადმი“, -განაცხადა გრიბაუსკაიტემ გაეროს ასამბლეაზე სიტყვით გამოსვლისას.
ლიტვის პრეზიდენტმა ასევე გაიხსენა კრემლის აგრესია საქართველოზე და ყირიმის ანექსია.
„რუსეთი არღვევს გაეროს დადგენილებას, ის თავს დაესხა საქართველოს, უკანონოდ მოახდინა ყირიმის ანექსია და პირდაპირ მონაწილეობს უკრაინის აღმოსავლეთით მიმდინარე ომში“, -აღნიშნა გრიბაუსკაიტემ.
ლიტვის პრეზიდენტის ინფორმაციით, ბელორუსიაში, ლიტვის დედაქალაქ ვილნიუსიდან 40 კილომეტრში ატომური ელექტროსადგური შენდება, რასაც გრიბაუსკატემ რუსეთის „გეოპოლიტიკური იარაღი“ უწოდა.
ლიტვის პირველმა პირმა მოუწოდა გაეროს წევრებს, აღარ იყვნენ პასიური დამკვირვებლები და შეცვალონ ორგანიზაციის მიდგომა აგრესორებისადმი.
„ჩვენ უნდა შევცვალოთ გაერო, ეს უნივერსალური უნიკალური ორგანიზაციაა, რომელიც შეიქმნა იმისთვის, რომ მსოფლიო ომისგან დაიცვას. ჯერჯერობით ამ მიზანს ვერ უმკლავდება. ახლა არჩევანის წინაშე ვართ: ან მივცემთ ამ ორგანიზაციას ხმას, რათა მან გაიმარჯვოს შეურაცჰყოფასა და დაცინვაზე, ან ეს ორგანიზაცია ისტორიას ჩაბარდება და უსარგებლო გახდება“, - განაცხადა ლიტვის პრეზიდენტმა.
რუსეთისა და ბელორუსიის ერთობლივი სამხედრო სწავლებები „Запад-2017“ 14 სექტემბერს დაიწყო და დღეს სრულდება. ოფიციალურად მასში მონაწილეობა 13 ათასამდე ჯარისკაცი იღებს, თუმცა არაოფიციალური მონაცემები ბევრად უფრო მეტ სამხედროზე - 100 ათას ადამიანამდე მიუთითებს. სწავლებები ორ ეტაპად ტარდება - რუსეთის ფედერაციის ტერიტორიასა და ბელორუსიის შვიდ პოლიგონზე.
ანა მებურიშვილი