სამართალი

კუკავა-ლორთქიფანიძის სარჩელი სასამართლომ არ დააკმაყოფილა

გლდანის საარჩევნო ოლქში ხმების გადათვლის თაობაზე საარჩევნო ბლოკის „დიმიტრი ლორთქიფანიძე, კახა კუკავა დემოკრატიული მოძრაობა - თავისუფალი საქართველო“ სარჩელი სასამართლომ არ დააკმაყოფილა.

მოსამართლე, ნათია ბუსკაძემ სარჩელი არ დაკმაყოფილდა და მოსარჩელე მხარეს სახელმწიფო ბაჟის სახით 100 ლარის გადახდა დააკისრა.

თბილისის მერობის ყოფილი კანდიდატის კახა კუკავას თანაპარტიელი თენგიზ ომანაძე მოსამართლის გადაწყვეტილებას უსაფუძვლოდ მიიჩნევს. მისი შეფასებით, სასამართლო ჩართულია არჩევნების გაყალბების პროცესში.

როგორც ომანაძემ აღნიშნა, მათი სარჩელის მთავარი მიზეზი ორი გარემოება იყო, პირველ, როდესაც გლდანის ორ საარჩევნო უბანზე ხმების გადათვლისას აღმოჩდა, რომ „დემოკრატიულ მოძრაობას“ ამომრჩეველთა ხმები აკლდა და მეორე შემთხვევაში, ოქმები გადასწორებული იყო.

აღსანიშნავია, რომ კუკავას თანაპარტიელებს, ქვეყნის მასშტაბით, 12 საარჩევნო ოლქში ჰქონდათ საჩივარი შეტანილი, თუმცა ის არცერთ შემთხვევაში არ დაკმაყოფილდა.

ნინო ექვთიმიშვილი