უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
ყველა ის მასწავლებელი, ვინც გარედაკვირვების ფორმატში კომპეტენცია დაადასტურა, შეიცვლის სტატუსს და მოემატება ხელფასი - მამუკა ბახტაძე
პრემიერ-მინისტრობის კანდიდატმა, მამუკა ბახტაძემ პედაგოგებზე საუბრისას განაცხადა, რომ ახალი სასწავლო წლიდან დამატებით 7 ათასზე მეტი მასწავლებელი დაიწყებს ახალი სტატუსით საქმიანობას და მათი საერთო რაოდენობა გადააჭარბებს 25 ათას ადამიანს.
„ევროპული საქართველოს“ წევრმა სერგო რატიანმა ბახტაძეს სერტიფიცირებაგავლილ პედაგოგებსა და მათთვის ხელფასების განაწილების მეთოდებზე კითხვა დაუსვა.
„სულ 58 ათასიდან მასწავლებლიდან, სერთიფიცირებაგავლილი არის 16 ათასი პედაგოგი და აქედან მხოლოდ 5 ათასს აქვს კუთვნილი 800 ლარი. დანარჩენებს მათ კუთვნილ თანხას არ აძლევენ და იმიზეზებენ იმას, რომ საათობრივ ანაზღაურებაზეა მიბმული. ამ პრობლემის გადასაჭრელად საჭიროა 40 მილიონი ლარი. ხართ თუ არა მზად ეს უსამართლობა დასრულდეს?“, - ჰკითხა დეპუტატმა ბახტაძეს.
ბახტაძემ ამაზე უპასუხა, რომ სერტიფიცირებულ მასწავლებლებს კუთვნილი ხელფასი იმ შემთხვევაში ექნებათ, თუ ისინი დათანხმდებიან დამატებით საათებზე.
„ჩვენ მართლაც გვყავს მასწავლებელთა რაოდენობა, რომელთაც აქვთ ნაკლები საათი და რომ ჰქონდეთ სრული საათი, მიიღებდნენ გაზრდილ ანაზღაურებას, რომელიც მათ ობიექტურად ეკუთვნით. ჩვენ სწორედ ასე ვგეგმავთ, რომ ყველა მათგანს ექნება შეთავაზება, იმუშაოს იმ საათების რაოდენობით, რაც საჭიროა და ეს უკვე მათ ნებაზე იქნება. შესაძლოა, ვინმემ უარი თქვას, იმიტომ, რომ მათი ნაწილი სხა სასწავლებლებშიც ასწავლის. ყველას, ვისაც სურს სრული დატვირთვით იმუშაოს და მიიღოს გაზრდილი ანაზღაურება, ამას მოახერხებს.
წელს იყო პირველი პრეცედენტი გარედაკვირვების, შესაბამისად ყველა ის მასწავლებელი, ვინც ამ ფორმატში კომპეტენცია დაადასტურა, შეიცვლის სტატუსს და მოემატება ხელფასი. ახალი სასწავლო წლიდან დამატებით 7 ათასზე მეტი მასწავლებელი დაიწყებს ახალი სტატუსით საქმიანობას. მათი საერთო რაოდენობა გადააჭარბებს 25 ათას ადამიანს“, - განაცხადა ბახტაძემ პარლამენტის რიგგარეშე სხდომაზე.