კომენტარი

ყველა პროცესს, რომელიც საარჩევნო გარემოს შექმნისთვის იქნება დაწყებული, ხელს შევუწყობთ - ანი მიროტაძე

„ეროვნული ფორუმის“ წევრის ანი მიროტაძის განცხადებით, ძალიან კარგია, რომ საარჩევნო გარემოს შესაცვლელად ოპოზიციურ პარტიებში მზაობა არსებობს.

როგორც მიროტაძემ პრესკონფერენციაზე აღნიშნა, ყველა პროცესს რომელიც საარჩევნო გარემოს შეცვლისთვის დაიწყება „ეროვნული ფორუმი“ ხელს შეუწყობს.

„აუცილებლად შესაცვლელია საარჩევნო გარემო. ამჟამად „ქართულ ოცნებას“ აქვს კონსტიტუციური უმრავლესობა და არაფრის მომიზეზება აღარაა საჭირო. უნდა შეიცვალოს მაჟორიტარული სისტემაც, მაგრამ ამის მზაობას რატომღაც ვერ ვხედავ. ჩვენ სურვილი გვაქვს, რომ ეს 2020 წლის არჩევნებისთვის მაინც მოხერხდეს მაჟორიტარული სისტემის შეცვლა“,-განაცხადა ანი მიროტაძემ.

შეგახსენებთ, რომ საარჩევნო სისტემის შეცვლასთან დაკავშირებით არასაპარლამენტო ოპოზიციისგან შემდგარი ჯგუფი მუშაობას ერთ კვირაში შეუდგება.

არასაპარლამენტო ოპოზიცია მაჟორიტარულ სისტემის პროპორციულ სისტემაზე შეცვლას ითხოვს.

მონიკა დავლიანიძე