უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
კომენტარი
ყველა საერთაშორისო ორგანიზაციის შეფასებით, როგორც მედიის, ისე ადამიანის უფლებების მიმართულებით მნიშვნელოვანი გაუმჯობესებაა - ალექსანდრე ჯეჯელავა
ვიცე-პრემიერმა, ალექსანდრე ჯეჯელავამ კომენტარი გააკეთა ომბუდსმენის ანგარიშთან დაკავშირებით.
კერძოდ, ჟურნალისტები დაინტერესდნენ, თუ როგორ შეაფასებდა ომბუდსმენის მოსაზრებებს პირადი ცხოვრების ამსახველი კადრების გავრცელებასთან, ასევე მედიის თავისუფლების საკითხებთან დაკავშირებით ანგარიშში გამოთქმულ კრიტიკულ მოსაზრებებს.
”ყველა საერთაშორისო ორგანიზაციის შეფასებით, მდგომარეობა თითოეული ამ მიმართულებით არის მნიშვნელოვნად გაუმჯობესებული წინა წლებთან შედარებით. პოლიციის მიერ ძალის გამოყენების ნაწილშიც გაუმჯობესებული ვითარება გვაქვს. პირადი ცხოვრების ჩანაწერების და მაკომპრომენტირებელი ჩანაწერების ნაწილშიც შედარებაც არ შეიძლება ამ მდგომარეობის ადრინდელ მდგომარეობასთან. სახალხო დამცველი თავის საქმეს აკეთებს და მეორე მხრივ, ყველა პუნქტში გაუმჯობესებული გვაქვს მდგომარეობა და ეს დასტურდება საერთაშორისო ანგარიშებით. სახალხო დამცველის მოსაზრება პრინციპში მისი მოსაზრებაა, თუმცა საერთაშორისო ორგანიზაციები თვლიან, რომ როგორც მედიის მიმართულებით, ასევე პირადი თავისუფლების, ადამიანის უფლებების ყველა პუნქტში მნიშვნელოვანი გაუმჯობესებაა ბოლო წლების განმავლობაში”, - განაცხადა ალექსანდრე ჯეჯელავა.
ნინო ექვთიმიშვილი