კონფლიქტის ზონა

ყველა შემთხვევაში სამხრეთ ოსეთი რუსეთის შემადგენლობაში შევა - ანატოლი ბიბილოვი

„ვფიქრობ, რომ სამხრეთ ოსეთის მომავალი ყველა შემთხვევაში იქნება რუსეთის ფედერაციის შემადგენლობაში“, - ამის შესახებ „ინტერფაქსს“ სამხრეთ ოსეთის დე-ფაქტო რესპუბლიკის პრეზიდენტმა ანატოლი ბიბილოვმა განუცხადა.

მისი თქმით, ეს აუცილებლად მოხდება.

„ვფიქრობ, სამხრეთ ოსეთი რესპუბლიკის შესვლა რუსეთის ფედერაციის შემადგენლობაში უკვე გადაწყვეტილი ამბავია. როდის? 2008 წლის 24-25 აგვისტოს ჩვენ სამხრეთ ოსეთში ვერც კი წარმოვიდგენდით, რომ ერთი-ორი დღის შემდეგ რუსეთი ჩვენი რესპუბლიკის დამოუკიდებლობას აღიარებდა. პოლიტიკური პროცესები საკმაოდ სწრაფად მიმდინარეობს. ნებისმიერ დროს შეგვიძლია, მივიღოთ გადაწყვეტილება მორიგი რეფერენდუმის ჩატარების შესახებ. ამიტომ ეს დროის საკითხია, თან არცთუ ისე შორეული დროის“, - თქვა ბიბილოვმა.

ბიბილოვის განმარტებით, რუსეთსი შესვლის საკითხს განიხილავენ.

ანა მებურიშვილი