პოლიტიკა
კვირიკაშვილის დაპირება ნიშნავს, რომ პრემიერი საკითხში კარგად გარკვეული არ არის - თენგიზ შერგელაშვილი
„შენების მოძრაობის“ თბილისის მერობის კანდიდატი თენგიზ შერგელაშვილი თვითმართველობების დაფინანსებასთან დაკავშირებით პრემიერ-მინისტრ, გიორგი კვირიკაშვილის განცხადებას გამოეხმაურა.
როგორც შერგელაშვილმა დრეს გამართულ ბრიფინგზე განაცხადა, თვითმმართველობების დაფინანსება ქვეყანაში ისედაც ბიუჯეტის ზრდის პარალელურად იზრდება.
მერობის კანდიდატის თქმით, ეს თავისთავადი პროცესია და კვირიკაშვილის დაპირება მიუთითებს იმაზე, რომ პრემიერი უბრალოდ საკითხში კარგად გარკვეული არ არის.
შერგელაშვილის განმარტებით, თვითმმართველობების დაფინანსების ზრდა არ ნიშნავს იმას, რომ ეს მუნიციპალიტეტების ფინანსურ დამოუკიდებლობაზე აისახება. ამის მაგალითად, ის გასული 8 წლის განმავლობაში უკვე გაორმაგებულ დაფინანსებას ასახელებს, თუმცა აცხადებს, რომ მუნიციპალიტეტები ფინანსურად დამოუკიდებლები მაინც არ არიან.
„ჩვენი გამარჯვების შემთხვევაში, ადგილობრივი ხელისუფლებიდან აქტიურად ვიბრძოლებთ საკანონმდებლო ცვლილებებზე, რომელიც მუნიციპალურ ბიუჯეტებს 5 წელიწადში გააორმაგებს და ასევე გაიზრდება მისი წილი საბიუჯეტო სახსრებში“, - ამბობს თენგიზ შეგელაშვილი.
ცნობისთვის, რაჭაში სტუმრობისას პრემიერმა განაცხადა, რომ თვითმართველობების დაფინანსება მომავალი 10 წლის განმავლობაში გაორმაგდება.
ნინო ექვთიმიშვილი