კომენტარი
კვირიკაშვილს ჰქონდა არჩევანი, ბევრად უფრო მშვიდი სცენარით წასულიყო - გია ხუხაშვილი
კვირიკაშვილმა პრეზიდენტობისკენ მიმავალი გზა თავად მოიჭრა და გაუგებარია რატომ ეპოტინება ასე ძალიან პრემიერ-მინისტრის პოსტს. მგონია, რომ მას გარკვეული ვალდებულებები აქვს აღებული თავის თავზე გარკვეული ჯგუფების წინაშე, - ამ განცხადებას გაზეთ "ახალ თაობასთან" ინტერვიუში გია ხუხაშვილი აკეთებს.
მისი თქმით, კვრიკაშვილმა "რაც არ უნდა ფეხები აბაკუნოს, ის სისტემურად დასრულებულია".
"კვირიკაშვილის ფეხების ბაკუნი გასაგებია. განსაკუთრებით ტრაგიკომიკური იყო ყვავ- ყორნებზე საუბარი, რადგან ყვავ- ყორნები ჩვენი კლასიკიდან გვახსოვს, მაგრამ იქ არწივი დაჭრილი იყო. ფაქტობრივად, მან აღიარა, რომ დაჭრილია, თუმცა სიმართლე გითხრათ, მის არწივობაში ეჭვი მეპარება. კვირიკაშვილს ისედაც მწირი გუნდი ჰყავდა. ალავიძე პირადად მასთან მოიაზრებოდა, თითო-ოროლა კაცი იყო და ისიც გამოეცალა. ამდენად, საუბარი, რომ ის მყარად ზის სასაცილოა. მეტიც, ის როგორც ფიგურა და რაღაცის შემოქმედი ამ ქვეყანაში, დამთავრებულია დიდი ხანია. დანარჩენი გაფორმების ამბავია. მე მინდა დავარწმუნო ის, რომ წლები არ დასჭირდება ამის გაფორმებას, ბევრად უფრო სწრაფად მოხდება, მაგრამ მას ჰქონდა არჩევანი, ბევრად უფრო მშვიდი სცენარით წასულიყო," - აცხადებს ხუხაშვილი.