ეკონომიკა


კვლავაც გავაგრძელებთ ვიყოთ მტკიცე პარტნიორები საქართველოსთვის ამ რთულ დროს - სებასტიან მოლინეუსი
ჩვენ ვაწარმოებთ ანალიტიკურ სამუშაოს, უზრუნველვყოფთ ფინანსურ მხარდაჭერას საჭიროების შემთხვევაში და მზად ვართ, გავუწიოთ ნებისმიერი დახმარება საქართველოს ამ რთულ პერიოდში, – ამის შესახებ სამხრეთ კავკასიაში მსოფლიო ბანკის რეგიონულმა დირექტორმა, სებასტიან მოლინეუსმა განაცხადა.
„ჩვენ მხარდაჭერას ვუწევდით, როგორც ფინანსთა სამინისტროს, ასევე საქართველოს ეროვნულ ბანკს, ვაანალიზებდით უკრაინაში მიმდინარე ომისა და ასევე რუსეთის წინააღმდეგ სანქციების რეჟიმის გავლენას, ასევე თუ როგორი გავლენა ექნება მას საქართველოს ეკონომიკაზე. ვიცით, რომ ამას გავლენა ექნება სავაჭრო არხებზე და ასევე ინფლაციაზე. დამატებით შევთავაზეთ ჩვენი მხარდაჭერა ფინანსირებისთვის, თუ ეს საჭირო იქნება. ვფიქრობ, ეს ცოტა ნაადრევია. ჩვენ ვაწარმოებთ ანალიტიკურ სამუშაოს, უზრუნველვყოფთ ფინანსურ მხარდაჭერას საჭიროების შემთხვევაში და მზად ვართ, გავუწიოთ ნებისმიერი დახმარება საქართველოს ამ რთულ პერიოდში. არავინ იცის, რამდენ ხანს გასტანს ეს, უკეთესის იმედი უნდა გვქონდეს და მზად უნდა ვიყოთ უარესისთვის. მსოფლიო ბანკი ხანგრძლივი პარტნიორია საქართველოსი, 30 წელია, კვლავაც გავაგრძელებთ ვიყოთ მტკიცე პარტნიორები საქართველოსთვის ამ რთულ დროს“, – განაცხადა მოლინეუსმა.
სებასტიან მოლინეუსის თქმით, ჯერჯერობით ნაადრევია ეკონომიკურ ზრდაზე საუბარი.
„ნამდვილად ჩვენი პროგნოზები არის, რომ საქართველოს ზრდა 5.5%-დან 2.2%-ზე დაეცემა. ვფიქრობ პირველი სამი თვე შედარებით მტკიცე იყო, მომდევნო თვე კრიტიკული იქნება, შემდეგ, ვფიქრობ, გაცილებით უკეთესი მდგომარეობა იქნება, რათა შევაფასოთ, როგორი იქნება რეალური ზრდა საქართველოსთვის ამ წელს. თუმცა, მინდა ხაზი გავუსვა, რომ ზრდა წლის პირველი სამი თვე რეალურად მტკიცე იყო“, – განაცხადა მოლინეუსმა.
იანვარ-აპრილში ჩვენი ეკონომიკური ზრდა გამოდის 7.3 %, რაც ერთ-ერთი სამაგალითოა მთელ მსოფლიოში - პრემიერი
5 ივნისი, 2023 , 14:50
აპრილში საქართველოს ეკონომიკა 7.5 პროცენტით გაიზარდა - საქსტატი
31 მაისი, 2023 , 12:09
აპრილში საქართველოს ეკონომიკა 7.5 პროცენტით გაიზარდა - საქსტატი
31 მაისი, 2023 , 12:09
იანვარ-აპრილში საქართველოში საქონლით საგარეო სავაჭრო ბრუნვა 21.9 პროცენტით გაიზარდა - საქსტატი
15 მაისი, 2023 , 12:06

სავალუტო ფონდმა 2023 წლისთვის საქართველოს ეკონომიკური ზრდის პროგნოზი 5%-მდე გაზარდა
11 მაისი, 2023 , 15:04
2023 წლის მარტში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 7.3 % შეადგინა - „საქსტატი“
28 აპრილი, 2023 , 11:37