უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მოზაიკა
ლადო გუდიაშვილის რიგით მესამე საზეიმო გამოფენა იხსნება
თანამდროვე ხელოვნების ერთ-ერთი ფუძემდებლის, ლადო გუდიაშვილის 120 წლის იუბილესთან დაკავშირებით, კულტურისა და ძეგლთა დაცვის სამინისტროსა და თბილისის მერიის მხარდაჭერით, ლადო გუდიაშვილის საგამოფენო დარბაზში რიგით მესამე საზეიმო გამოფენა გაიხსნება.
2016 წელს ლადო გუდიაშვილის ფონდი სულ 4 საიუბილეო გამოფენას უწევს ორგანიზებას.
დღეს, ექსპოზიციაზე წარმოდგენილი იქნება მხატვრის მიერ ბოლო წლებში შესრულებული ფერწერული და გრაფიკული ნამუშევრები.
1 დეკემბრიდან 30 დეკემბრის ჩათვლით კი, მეოთხე გამოფენაზე დამთვალიერებელი მხატვრის სრულიად უცნობ გრაფიკულ ნამუშევრებს იხილავს.
ყველა მსურველს საშუალება ექნება ესტუმროს ლადო გუდიაშვილის ფონდის საგამოფენო დარბაზს ყოველდღე 11:00-18:30 საათამდე, ორშაბათისა და ოფიციალური დასვენების დღეების გარდა.
შეგახსენებთ, რომ ლადო გუდიაშვილის 120 წლის იუბილესთან დაკავშირებით, პირველი საზეიმო გამოფენა 6 მაისს გაიხსნა, სადაც მხატვრის მიერ 40-იან წლებში შესრულებული ფერწერული და გრაფიკული ნამუშევრები გამოიფინა.
რიგით მეორე გამოფენა კი, 22 ივნისს მოეწყო, სადაც წარმოდგენილი იყო მხატვრის მიერ 1930-50 წლებში შესრულებული ფერწერული და გრაფიკული ნამუშევრები.
მხატვრის საიუბილეო წელს მისივე სახელობის საგამოფენო დარბაზში დაარსდა ლადო გუდიაშვილის ხელოვნების სტუდია, რომელიც სასკოლო ასაკის ბავშვებს შეასწავლის მსოფლიო ხელოვნების ისტორიას.
მონიკა დავლიანიძე