უკან
რეგიონები
30 მაისი, 2018 12:30
ლაგოდეხში ავარიას ახალგაზრდა მამაკაცი ემსხვერპლა, არიან დაშავებულებიც
ლაგოდეხის სოფელ ბაისუბანში ავტოსაგზაო შემთხვევას 22 წლის მამაკაცი ემსხვერპლა.
არსებული ინფორმაციით, დღეს დილით მსუბუქი ავტომანქანა განათების ბოძს შეეჯახა, შედეგად ერთი ახალგაზრდა ადგილზე დაიღუპა, ორი კი დაშავდა. დაშავებულები რაიონულ საავადმყოფოში არიან გადაყვანილები.
მომხდართან დაკავშირებით გამოძიება შინაგან საქმეთა სამინისტრომ სისხლის სამართლის კოდექსის 276-ე მუხლის მე- 5 ნაწილით დაიწყო, რაც ტრანსპორტის მოძრაობის უსაფრთხოების ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.