უკან

უახლესი ამბები

დღის კალენდარი

ანონსები

არქივი

საზოგადოება

30 აგვისტო, 2017 12:30
font-size

ლაილაშს ებრაული კულტურული მემკვიდრეობის ევროპული მარშრუტის პირველი ჯგუფი ეწვია

ცაგერის მუნიციპალიტეტის სოფელ ლაილაშმა, ებრაული კულტურული მემკვიდრეობის ევროპული მარშრუტის ფარგლებში, ისრაელიდან პირველ ტურისტულ ჯგუფს უმასპინძლა. ჯგუფის შემადგენლობაში იყვნენ ისრაელის ქალაქ რიშონ ლეციონის მერის მოადგილე იოსი ხამამი, ელი კატაბი, ისრაელის სახლის დამფუძნებელი იციკ მოშე, ლაილაშიდან მეორე მსოფლიო ომში დაღუპული ძმები ზონენაშვილების შთამომავალი იცხაკ თეთრუაშვილი და სხვები.

ტურისტული ჯგუფი, თავდაპირველად, ლაილაშის სინაგოგას ეწვია. სინაგოგა ამჟამად არ მოქმედებს, რადგან სოფელი ებრაელობისგან გასული საუკუნის მიწურულს, ალიის დაწყებისთანავე დაიცალა. ისრაელელი სტუმრების თქმით, ისინი უახლოეს მომავალში სინაგოგას გადასცემენ ბიბლიას და სხვა სარიტუალო ნივთებს.

ჯგუფმა ცაგერის მუნიციპალიტეტის გამგეობის წარმომადგენლებთან და რაიონის სამხედრო კომისართან ერთად გადაინაცვლა მეორე მსოფლიო ომში დაღუპულ მეომართა მემორიალთან.

„ისრაელის სახლისა“ და საქართველოს ვეტერანების საქმეთა სახელმწიფო სამსახურის შუამდგომლობით, გმირთა მემორიალს დაემატა მარმარილოს ორი ქვა, რომელზეც ამოტვიფრულია 1942 წელს სტალინგრადთან დაღუპული ლაილაშელი ებრაელების, შოთა და სიმონ ზონენაშვილების სახელები. მემორიალთან ებრაული წესით შესრულებული ხსოვნის რიტუალის შემდეგ, გაისმა საქართველოსა და ისრაელის ჰიმნები. ზონენაშვილების შთამომავალმა, იცხაკ თეთრუაშვილმა კი გამგეობას გადასცა ისრაელიდან ჩამოტანილი, იერუსალიმს ქვაზე შესრულებული მცირე მონუმენტი, წარწერით „თუ დაგივიწყო შენ, იერუსალიმო, დამივიწყოს მარჯვენამ ჩემმა“.

ისრაელელმა სტუმრებმა დაათვალიერეს სოფელი ლაილაში და მოსახლეობასაც გაესაუბრნენ.

„ისრაელის სახლის“ ხელმძღვანელის, იციკ მოშეს თქმით, სიმბოლურია, რომ ებრაული კულტურული მემკვიდრეობის ევროპული მარშრუტი სწორედ ლაილაშიდან დაიწყო, სადაც აღმოჩენილია მსოფლიოში ერთ-ერთი უძველესი, ებრაულენოვანი ბიბლია. ისრაელელებისთვის და მსოფლიო ებრაელობისთვის ლაილაში გახდება დასვენებისა და ებრაულ მემკვიდრეობასთან შეხების ერთ-ერთი საუკეთესო ადგილი. ეს ხელს შეუწყობს ლაილაშის ტურისტული პოტენციალის პოპულარიზაციას, შესაბამისად აქ ტურიზმის განვითარებას.

რიშონ ლეციონის მერის მოადგილის იოსი ხამამის თქმით, იგი ნანახით აღფრთოვანებულია და ისრაელშიც შეეცდება, რაც შეიძლება ბევრს უამბოს ლაილაშისა და საერთოდ, საქართველოში ებრაული კულტურული მემკვიდრეობის შესახებ.

მომავალი ტურები ისრაელიდან აქ უფრო მასშტაბური იქნება.

ცნობისთვის: საქართველო ევროპის საბჭოს კულტურული მარშრუტის მონაწილე ქვეყანა წელს გახდა. საქართველოს კულტურისა და ძეგლთა დაცვის სამინისტროს წარდგინებით, საქართველოში ებრაული მემკვიდრეობის ევროპულ მარშრუტს „ისრაელის სახლი“ ხელმძღვანელობს. წელს ლუქსემბურგში გამართულ ფორუმზე ისრაელის სახლი, კერძოდ, მისი ხელმძღვანელი იციკ მოშე ებრაული კულტურისა და მემკვიდრეობის დაცვისა და ხელშეწყობის ევროპული ასოციაცია (AEPJ) ბორდის წევრი გახდა. ასოციაცია ევროსაბჭოს ეგიდით ებრაული მემკვიდრეობის ევროპულ მარშრუტს მართავს.

თავდაცვის სამინისტრო საკონტრაქტო სამხედრო სამსახურში იწვევს 18-დან 35 წლის ჩათვლით საქართველოს მოქალაქეებს

31 იანვარი, 2023 , 13:53

საქართველოს თავდაცვის სამინისტრო საკონტრაქტო სამხედრო სამსახურში იწვევს 18-დან 35 წლის ჩათვლით საქართველოს მოქალაქეებს. უწყების ინფორმაციით, საკონტრაქტო სამსახურის გავლის მსურველმა მოქალაქემ უნდა გაიაროს რეგისტრაცია, სამ

კორუფციასთან ბრძოლის მხრივ საქართველო ბოლო 10 წელი სტაგნაციას განიცდის - „საერთაშორისო გამჭვირვალობა“

31 იანვარი, 2023 , 13:15

„საერთაშორისო გამჭვირვალობის“ მიერ გამოქვეყნებული 2022 წლის „კორუფციის აღქმის ინდექსის“ (CPI) მიხედვით, საქართველოს 56 ქულა აქვს, რაც წინა წელთან შედარებით ერთი ქულით მეტია. წარსულში 56 ქულა ქვეყა

42 000 კილოგრამი კარტოფილი ექსპორტიორ ქვეყანაში გაბრუნებას დაექვემდებარა - შემოსავლების სამსახური

31 იანვარი, 2023 , 13:08

საბაჟო გამშვებ პუნქტში „ყაზბეგი“ ფინანსთა სამინისტროს შემოსავლების სამსახურის საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ სხვადასხვა ქვეყნიდან

საქართველოს საკონსტიტუციო სასამართლოს თავმჯდომარე მერაბ ტურავამ მონაწილეობა მიიღო ადამიანის უფლებათა ევროპული სასამართლოს სამუშაო წლის გახსნის ცერემონიაში

30 იანვარი, 2023 , 19:34

საქართველოს საკონსტიტუციო სასამართლოს თავმჯდომარე მერაბ ტურავამ, სასამართლოს სამდივნოს უფროს გიორგი ლომთაძესთან ერთად, ქ. სტრასბურგში მონაწილეობა მიიღო ადამიანის უფლებათა ევროპული სასამართლოს სამუშაო წლის გახსნის ცერემონ

ვტოვებ „ნაციონალური მოძრაობის“ პოლიტსაბჭოს თავმჯდომარის პოსტს და ვტოვებ პოლიტსაბჭოს. ვრჩები - კობა ნაყოფია

30 იანვარი, 2023 , 19:15

ვტოვებ „ნაციონალური მოძრაობის“ პოლიტსაბჭოს თავმჯდომარის პოსტს და ვტოვებ პოლიტსაბჭოს. ვრჩები რიგით წევრად, ვიდრე მიხეილ სააკაშვილი იქნება პუტინის პირადი პატიმარი, ვიდრე მიხეილ სააკაშვილს არ გადაიყვანენ საზღვარ

ეროვნული ბანკი ციფრული ლარის პროექტის შემდეგ ეტაპზე გადადის და ტექნიკური პარტნიორი კომპანიების მოწვევას ასრულებს

30 იანვარი, 2023 , 18:28

ეროვნული ბანკი ციფრული ლარის პროექტის შემდეგ ეტაპზე გადადის და ტექნიკური პარტნიორი კომპანიების მოწვევას ასრულებს, - ამის შესახებ ინფორმაციას ეროვნული ბანკი ავრცელებს. მათი ცნობით, ახალი ფინანსური ტექნოლოგიების გამოყ

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი