ეკონომიკა
ლარი გაუფასურებას განაგრძობს
ლარის გაუფასურება გრძელდება. ეროვნული ბანკის მონაცემების მიხედვით, 1 დოლარის შესაძენად 2.7026 ლარია საჭირო.
ეკონომისტმა გიორგი პაპავამ ლარის გაუფასურების სამი მიზეზი დაასახელა. ესენია თურქული ლირის ფაქტორი, საქართველოში ეკონომიკური ზრდის ტემპის შენელება და მოახლოებული არჩევნები.
„შეგვიძლია, გამოვყოთ სამი ფაქტორი. ერთი - თურქეთიდან მომდინარე ფაქტორი, რომელიც, წესით, დიდწილად უკვე ამოწურული უნდა იყოს. მეორე ფაქტორი არის ქვეყანაში ეკონომიკური ზრდის ტემპის მცირედით, მაგრამ შენელება ბოლო თვეების განმავლობაში და მესამე არის ის მოლოდინები, რომელიც შექმნილია და უკავშირდება არჩევნებს და წლის ბოლო პერიოდს და საჭიროა ამ მოლოდინების სწორი მართვა, სწორი კომუნიკაცია.
შესაძლებელია, გარკვეული წილი გაუფასურებაში შეტანილი ჰქონდეს ეროვნული ბანკის მიერ რეგულაციების მიღების მოახლოებას“, - განაცხადა ექსპერტმა.
ბლუმბერგის მონაცემებით, ლარი გაუფასურების ტენდენციას განაგრძობს და სავარაუდოდ, დღის ბოლომდე ეროვნული ვალუტა კიდევ გაუფასურდება.