უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
ეკონომიკა
ლარის კრიზისის დარეგულირებას ვერანაირად დაეხმარება აქციზის ზრდა - ირმა ინაშვილი
პარლამენტის ვიცე-სპიკერის, ირმა ინაშვილის ვარაუდით, ლარს კურსის დაცემა აუცილებლად აისახება სამომხმარებლო ფასების ზრდაზე.
როგორც ინაშვილმა ჟურნალისტებს განუცხადა, ტყუილია როცა ხელისუფლების წარმომადგენლები ამბობენ, რომ ფასების ზრდა არ მოხდება. ინაშვილი აქციზზე მომატებულ ფასებსაც აკრიტიკებს და აცხადებს, რომ ამით იმ ადამიანებს გაუძვირდებათ ცხოვრება, რომლებიც თამბაქოს და ალკოჰოლს მოიხმარენ.
"ლარის კრიზისის დარეგულირებას ვერანაირად დაეხმარება აქციზის ზრდა. აქციზის დაწესება და ზრდა მართალია ბიუჯეტში გარკვეულ შემოსავალს გაზრდის, მაგრამ ეს გაურთულებს მომხმარებლებს ცხოვრებას და გაზრდის ფასებს მათთვის ვინც მოიხმარს ალკოჰოლს, თამბაქოს, ვინც ორიენტირებულია იმაზე, რომ იმპორტირებული მანქანა შეიძინოს. ამიტომ ლარის კურსის სტაბილიზაციისთვის აუცილებელია ქვეყანაში განვითარდეს წვრილი და საშუალო მეწარმეობა.
ჩვენ გვაქვს კიდევ ერთი ინიციატივა. სხვადასხვა ქვეყნიდან შემოდის პროდუქტი. მაგალითად, ავიღოთ თურქეთი. აქედან ბევრი სამომხმარებლო პროდუქტი შემოდის, რასაც სუბსიდირებას უწევს თურქეთის სახელმწიფო. მართალია ჩვენ ვართ მსოფლიო სავაჭრო ორგანიზაციის წევრი და გარკვეული შეზღუდვები გვაქვს დაწესებული, მაგრამ ჩვენ შეგვიძლია დავაწესოთ ბეგარა ამ შემოსულ პროდუქციაზე და შესაბამისად ბიუჯეტში გავზარდოთ შემოსავალი, რათა სტიმულირებული იყოს ჩვენი პრუდუქცია და ეს ლარის გამყარებას დაეხმარება.
აუცილებლად გაძვირდება სამომხმარებლო ფასები და ტყუილია ის, რომ ეს არ აისახება ფასებზე. მიუხედავად იმისა, ამას აღიარებს თუ არ აღაიარებს ხელისუფლება",- განაცხადა ირმა ინაშვილმა.
ნინო ექვთიმიშვილი