საზოგადოება
ლაშა აბაშიძე ელიავას ბაზრობაზე ხანძრის შედეგად დაზარალებულებს შეხვდა
თბილისის ვიცე-მერი, ლაშა აბაშიძე ელიავას ბაზრობაზე ხანძრის შედეგად დაზარალებულებს შეხვდა.
როგორც აბაშიძემ განაცხადა, ის დღეს სადაზღვევო კომპანიების წარმომადგენლებსაც შეხვდა.
მისი ინფორმაციით, კომპანიები მზად არიან დაზღვეულ დაზარალებულებს ზარალი აუნაზღაურონ.
„ველოდებით აღნიშნული ობიექტის დირექტორს, რათა საბოლოოდ მოხდეს ვითარების შეფასება და გარკვევა, რამდენ ადამიანს ჰქონდა დაზღვეული საკუთარი მაღაზია, რადგან მისი ინფორმაციის საფუძველზე მოხდება შედეგების განხილვა და დაზარალებულების გარკვეული სიის მიწოდება. შევხვდი სადაზღვევო კომპანიების წარმომადგენლებს, რომლებიც მზად არიან დაზღვეულ დაზარალებულებს ზარალი აუნაზღაურონ. რაც შეეხება მათ, ვისაც დაზღვეული არ აქვთ, მერიაში მუშაობს რამდენიმე ჯგუფი, რათა ამ მიმართულებით მოხდეს შესაბამისი გადაწყვეტილებების მიღება. წინასწარ დარწმუნებით ვერ ვიტყვი, აუნზღაურდებათ თუ არა ამ ადამიანებს ზარალი, თუმცა არც გამორიცხვა შემიძლია“, - განაცხადა ლაშა აბაშიძემ.
მისივე თქმით, მას შემდეგ, რაც მოხდება ტერიტორიის კიდევ ერთხელ დათვალიერება, ზარალის განსაზღვრა, თბილისის მერიაში დაზარალებულებთან ჩაინიშნება შეხვედრა და კონკრეტული გადაწყვეტილებებზე სწორედ ამ შეხვედრაზე იქნება საუბარი.
ჯერჯერობით უცნობია, როდის გაიმართება შეხვედრა.
ნინო ექვთიმიშვილი