საზოგადოება

ლაშა თორდიამ ისე დაასრულა საკუთარი სამუშაო ვადა, რომ მასზე თავდასხმის ფაქტი ჯერ კიდევ გამოუძიებელია - პრეზიდენტი

საქართველოს პრეზიდენტის შეფასებით, სამწუხაროა, რომ ლაშა თორდიამ ისე ტოვებს აუდიტის სამსახურის ხელმძღვანელობის პოსტს, რომ მასზე თავდასხმის ფაქტი გამოძიებული არაა. - ამის შესახებ პრეზიდენტის პრესსპიკერმა, ეკა მიშველაძემ ისაუბრა სამშაბათის ტრადიციულ ბრიფინგზე.

„დღეს სახელმწიფო აუდიტის ხელმძღვანელის პოსტზე ლაშა თორდიას ბოლო სამუშაო დღეა. პრეზიდენტი მადლობას უხდის მას გაწეული სამუშაოსათვის და ძალიან სამწუხაროდ მიიჩნევს, რომ გენერალურმა აუდიტმა ისე დაასრულა საკუთარი სამუშაო ვადა, რომ მასზე თავდასხმის ფაქტი ჯერ კიდევ გამოუძიებელია. პრეზიდენტი კვლავ მოუწოდებს პარლამენტს, როგორც მაკონტროლებელ ორგანოს, განსაკუთრებული ყურადღება დაუთმოს ამ საგამოძიებო პროცესს“, - განაცხადა ეკა მიშველაძემ.

ანა მებურიშვილი