უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
სამართალი
ლაშა თორდიას ინტერესებს „ადამიანის უფლებათა ცენტრის“ ადვოკატები დაიცავენ
მთავარი აუდიტორის ლაშა თორდიას ინტერესებს „ადამიანის უფლებათა ცენტრის“ ადვოკატები დაიცავენ.
პრესკონფერენციაზე ცენტრის იურიდიული სამსახურის უფროსმა თამარ ავალიანმა განმარტა, თუ რა გახდა მიზეზი, რის გამოც ჩაერთო ცენტრი ლაშა თორდიას დაცვის საქმეში.
„დღეს ჩავერთეთ ამ საქმეში. დღეს, ჩვენ წარვადგინეთ ორდერები საგამოძიებო უწყებაში და უკვე შემიძლია გითხრათ, რომ ლაშა თორდიას სამართლებრივ უფლებებს იცავს ადამიანის უფლებათა ცენტრი.
რატომ ჩავერთეთ ამ საქმეში? ჯერ ერთი, უკიდურეს შეშფოთებას გამოვხატავთ ამ ფაქტის გამო, როდესაც უმაღლესი თანამდებობის პირს, რომელსაც აქვს მაღალი კონსტიტუციური სტატუსი, მას თავს ესხმიან, მის სამსახურებრივი მოვალეობის შესრულებასთან დაკავშირებით. მას თავს დაესხნენ არა იმიტომ, რომ ის იყო ფიზიკური პირი - ლაშა თორდია, არამედ ის იყო გენერალური აუდიტორი და მისი საქმიანობა იყო პირდაპირ კავშირში იმ თავდასხმასთან, რომელიც მის მიმართ განხორციელდა. კერძოდ, სავარაუდოდ, ყოფილი მთავარი პროკურორის ოთარ ფარცხალაძის და მისი თანხმლები პირების მხრიდან.
განსაკუთრებულ შეშფოთებას იწვევს ეს საქმე იქიდან გამომდინარეც, რომ სახელმწიფო აუდიტის სამსახური, წარმოადგენს საპარლამენტო ორგანოს. არც პარლამენტის თავმჯდომარე და არც ერთი მაღალი თანმდებობის პირი არ დაინტერესებულა ამ საქმის ბედით. არ გამართულა შეხვედრა ბატონ ლაშასთან და შესაბამისად, პარლამენტს მკაფიოდ და ნათლად არ გამოუხატავს მისი დამოკიდებულება ამ საქმესთან დაკავშირებით.
ეს საქმე გარდა იმისა, რომ უპრეცედენტოა თავისი რეზონანსულობიდან გამოდმინარე, თავის დაუსჯელობით, დანაშაულის მასშტაბებიდან გამომდინარე, ასევე მნიშვნელოვანი არის სამართლებრივი კუთხითაც. ძალიან ბევრი სამართლებრივი ლაპსუსია ამ საქმეში, თუნდაც დაწყებული გამოძიებით.
გამოძიება დაიწყო სისხლის სამართლის კოდექსის 126-ე მუხლით, რაც თავიდანვე იყო აბსურდული და იკვეთებოდა სახელმწიფოს საგამოძიებო ორგანოების მიზანმიმართული ქმედება, რომ ეს საქმე არ გამოძიებულიყო და სუბიექტური გარემოებებიდან გამომდინარე შეწყვეტილი იყოს.
126-ე მუხლი, რომელიც არის ჩვეულებრივი ცემა და ძალადობა და არანაირი კავშირი სამსახურებრივი მოვალეობის შესრულებასთან არ აქვს - არ არის რელევანტური ლაშა თორდიას საქმის შემთხვევაში. საქმე უნდა დაწყებულიყო სისლის სამართლის კოდექსის 353-ე მულხით - ეს არის თავდასხმა სახელმწიფო ხელისუფლების წარმომადგენელზე, მის სამსახურებრივ მოვალეობასთან მიმართებაში. იმიტომ რომ ყველაფერი მოყვა იმ საქმიანობას, რომელსაც აუდიტის სამსახური ახორიციელებს, კერძოდ, კორუფციულ გარიგებებთან დაკავშირებით, სადაც სავარაუდოდ ფიგურირებს ყოფილი მთავარი პროკურორი ოთარ ფარცხალაძე“,-განაცხადა თამარ ავალიანმა.
მონიკა დავლიანიძე