უახლესი ამბები
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
რეგიონები
ლეიბორისტული პარტია ყურძნის, ვაშლის და ციტრუსის სავალდებულო სახელმწიფო შესყიდვას აღადგენს - შალვა ნათელაშვილი
ხელისუფლებაში მოსვლის შემთხვევაში ლეიბორისტული პარტია ყურძნის, ვაშლის და ციტრუსის სავალდებულო სახელმწიფო შესყიდვას აღადგენს.
შესაბამისი განცხადება პარტიის ლიდერმა, შალვა ნათელაშვილმა თელავში გააკეთა.
,,საქართველოს ლეიბორისტული პარტია ხელისუფლებაში მოსვლისთანავე აღადგენს ყურძნის ვაშლის, ციტრუსის, თხილის სავალდებულო სახელმწიფო შესყიდვას საბაზრო ფასებში და დაამთავრებს გლეხის წამებას და ტანჯვას ერთხელ და სამუდამოდ. წარმოგიდგენთ ღირსეულ მაჟორიტარობის კანდიდატებს, რომლებიც დაამშვენებენ პარლამენტს თავისი თავდადებისა და ამომრჩევლისადმი ერთგულებთ’’, - განაცხადა შალვა ნათელაშვილმა და ამომრჩეველს პარტიის კახეთის მაჟორიტარობის კანდიდატები წარუდგინა.
თელავი-ახმეტის მაჟორიტარობის კანდიდატი ლეიბორისტული პარტიიდან გია ორთამაშვილი იქნება, თელავი-ყვარელის მაჟორიტარობისთვის აკაკი ჯიყაშვილი იბრძოლებს, ხოლო სიღნაღი-დედოფლისწყაროს საარჩევნო მაჟორიტარულ ოლქში პარტიას ნინო მაზანაშვილი წარადგენს.
,,ჩემი კახეთის, ჩვენი ქვეყნის გადარჩენა გადის მაჟორიტარ დეპუტატებზე. თუ ყაჩაღმა ივანიშვილმა ყაჩუღიკები გაიყვანა, არაფერი გვეშველება, ჩვენ ჩვენი მაჟორიტარები უნდა გავიყვანოთ. შარშანდელი თოვლივით გაქრა ივანიშვილის დაპირებები 3 ლარად ყურძნის შესყიდვაზე, ბაზრამდე პროდუქციის მიტანაში დახმარებაზე. გრძელვადიან უპროცენტო კრედიტებზე სოფლის მეურნეობისათვის და უფასო ფულზე, ერთი მილიარდის ჩადებაზე მევენახეობაში და სოფლის მეურნეობაში. ამიტომ, ის იმედები, ის დაპირებები, ის ოცნებები, რაც ჩვენში ჩაისახა 2012 წელს, ჩვენ უნდა განვახორციელოთ’’, - განაცხადა შალვა ნათელაშვილმა.
ნინო ექვთიმიშვილი