კომენტარი
ლელა ქებურიას მეუღლემ ჩვენი შტაბის თანამშრომლებს სიტყვიერი შეუარცხყოფა მიაყენა - დავით კოდუა
„ქართული ოცნების“ ზუგდიდის საარჩევნო შტაბის ხელმძღვანელის, დავით კოდუას ინფორმაციით, სოფელ ერგეტაში შეხლა-შემოხლას ადგილი ქონდა, თუმცა ის ფიზიკურ დაპისიპირებაში არ გადაზრდილა.
ამის შესახებ კოდუამ ბრიფინგზე განაცხადა.
მისი თქმით, „ევროპული საქართველოს“ ზუგდიდის მერობის კანდიდატის, ლელა ქებურიას მეუღლემ, „ქართული ოცნების“ შტაბის თანამშრომლებს სიტყვიერი შეურაცხყოფა მიაყენა.
„მერობის კანდიდატის მეუღლემ გააჩერა მანქანა ჩვენი შტაბის წინ, ჩაწია შუშა და სიტყვიერი შეუარცხყოფა მიაყენა ჩვენს თანამშრომლებს. ბუნებრივია, ამ დროს მოხდა შეხლა-შემოხლა, მაგრამ ფიზიკურ იცნიდენტს ადგილი არ ქონია. ქებურიას მოყვებოდა ის ადამიანები, ზონდერ ბრიგადა, რომლებიც ასოცირებულები არიან „ერთიანი ნაციონალური მოძრაობის“ აქტივისტებთან. ისინი არიან მათი ყოფილი თანამშრომლები, მათი ხელისუფლებაში ყოფნის დროიდან. მათ არ შერჩათ სხვა რესურსი. მათ იციან იმ მეთოდების გამოყენება, რა მეთოდებითაც ხელმძღვანელობდნენ ისინი მათი ხელისუფლებაში ყოფნის პერიოდში“,-აღნიშნა კოდუამ.
„ევროპული საქართველოს“ ინფორმაციით, სოფელ ერგეტაში, პარტიის მერობის კანდიდატის ლელა ქებურიას მეუღლეს და პარტიის წარმომადგენლებს, „ქართული ოცნების“ აქტივისტებმა ფიზიკური შეუარცხყოფა მიაყენეს.
მონიკა დავლიანიძე