უკან

უახლესი ამბები

დღის კალენდარი

ანონსები

არქივი

პოლიტიკა

7 აგვისტო, 2020 15:15
font-size

„ლელო საქართველოს“ გუნდს ლევან სამუშია შეუერთდა

“ლელო საქართველოსთვის“ გუნდს ახალი წევრი ჰყავს. პოლიტიკურ გაერთიანებას „თავისუფალი დემოკრატების“ ყოფილი წევრი - ლევან სამუშია შეუერთდა, რომელიც დღეს ბრიფინგზე „ლელოს“ თავმჯდომარემ მამუკა ხაზარაძემ წარადგინა.

მამუკა ხაზარაძის თქმით, „ლელო“ გაფართოებას ერთ-ერთი მთავარი მიზნისთვის, „ქართული ოცნების“ ხელისუფლებიდან ჩამოშორებისთვის აგრძელებს.

„ჩვენ მიერ დაწყებული ბრძოლა იქნება უკომპრომისო და მიმართული იმისკენ, რომ „ქართული ოცნება" ჩამოვაშოროთ მმართველობას. ეს იქნება აბსოლუტურად ახალი რეალობა ქართულ პოლიტიკაში. ჩვენ იმისთვის შევიქმენით, რომ ქვეყანა გამოვიყვანოთ იმ ჩიხიდან, რომელშიც „ქართულმა ოცნებამ“ შეიყვანა. ჩვენი პოლიტიკური პარტია პროფესიონალთა გუნდით კომპლექტდება. ჩვენ გვყავს უძლიერესი ეკონომიკური გუნდი და ზუსტად ვიცით, როგორ შევქმნათ მეტი სამუშაო ადგილი და გავაორმაგოთ ეკონომიკა. გარდა ამისა, ყველაზე ძლიერი იურისტთა გუნდია "ლელოში" თავმოყრილი, რაც მოსახლეობას დაცულობის შეგრძნებას უქმნის. სწორედ ასეთი პროფესიონალები არიან საჭირო საქართველოს პარლამენტში,“ - განაცხადა მამუკა ხაზარაძემ.

ბრიფინგის დროს ლევან სამუშიამ გუნდს მადლობა გადაუხადა და აღნიშნა, რომ „ლელო“ არის ახალი სიტყვა პოლიტიკაში, რომელიც ყველაზე მთავარს, ადამიანის უფლებებს იცავს.

„ლელო“ არის ის იმედი, რომელიც ყველაზე მეტად სჭირდება ქართულ პოლიტიკას. პარტია ორიენტირებულია ქვეყნის დასავლეთის მიმართულებით განვითარებისკენ. ჩემი პარტიაში გაწევრიანების მთავარი მიზეზი მათი იდეოლოგიაა, რომელიც ადამიანის უფლებების დაცვას ემყარება. მე დარწმუნებული ვარ, რომ ამ გუნდთან ერთად ქვეყანას მოვუტანთ სამართალს და ადამიანის უფლებები ზედმიწევნით დაცული იქნება,“- განაცხადა ლევან სამუშიამ.

ლევან სამუშიას „ლელოში“ გაერთიანებას გამოეხმაურა პარტიის გენერალური მდივანი ბადრი ჯაფარიძე. მისი თქმით, გუნდი ღიაა ყველა იმ პოლიტიკოსისთვის, რომლებსაც “ლელოსთან“ საერთო ღირებულებები აერთიანებთ.

„ის ღირებულებები, რომელიც ჩვენ გვაქვს, ქვეყნის განვითარებისკენ არის მიმართული. ჩვენთვის ლევან სამუშია ყოველთვის სამაგალითო პოლიტიკოსი იყო, რომელიც ებრძოდა დაჭაობებულ სისტემას და მისი შემოერთება არის მაგალითი იმისა, რომ პოლიტიკოსები ქვეყნის მომავლისთვის უნდა გავერთიანდეთ, რომ გამოვიდეთ იმ ჩიხიდან, სადაც მმართველმა გუნდმა შეგვიყვანა,“- განაცხადა ბადრი ჯაფარიძემ.

ბოკუჩავა თურნავას: ზევსი რომ გგონიათ ოლიმპოს მთაზე მოკალათებული, ის ადამიანი სინამდვილეში ერთი ჩვეულებრივი თაღლითია

18 სექტემბერი, 2020 , 17:30

„ერთიანი ნაციონალური მოძრაობის“ წევრმა თინა ბოკუჩავამ პარლამენტში სიტყვით გამოსვლილსას ეკონომიკის მინისტრი ნათია თურნავა ქვეყანაში არსებული მძიმე სოციალური ფონის გამო გააკრიტიკა. მისი განცხადებით, მოსახლეობა

რეალობას მოწყვეტილი მთავრობა სხვა საქართველოზე საუბრობს - გიორგი ვაშაძე

18 სექტემბერი, 2020 , 17:30

„სტრატეგია აღმაშენებლის“ ლიდერი გიორგი ვაშაძე ქვეყანაში შექმნილ სოციალურ და ეკონომიკურ მდგომარეობას კატასტროფულს უწოდებს და აცხადებს, რომ ამ სიმძიმეს ეროვნული ვალუტის კურსი ყველაზე მეტად გამოხატავს. ვაშაძის გ

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - ზურაბ ჭიაბერაშვილი

18 სექტემბერი, 2020 , 16:15

„ევროპული საქართველოს" მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, ეკონომიკის მინისტრს, ნათია თურნავას მიმართავს. ჭიაბერაშვილის თქმით, ივანიშვილის ხელისუფლებამ ჩააგდო

„ჩვენი საქართველო` ელიტურ კორუფციაზე ეკონომიკის მინისტრს, პასუხს კიდევ ერთხელ სთხოვს

18 სექტემბერი, 2020 , 16:15

პარტია „ჩვენი საქართველო-სოლიდარობის ალიანსი" ეკონომიკის მინისტრის, ნათია თურნავას პარლამენტში მისვლას ეხმაურება. პარტიის განცხადებაში ვკითხულობთ, რომ მათი არაერთი მცდელობის მიუხედავათ, თურნავამ კომპანია „ელგ

კაპანაძე თურნავას: როდესაც დაინფიცირების ზრდა დიდი არ იყო, ბუზს ესროლეთ ქვემეხი და ახლა სტატისტიკის უკან იმალებით

18 სექტემბერი, 2020 , 16:15

„ევროპული საქართველოს" საარჩევნო შტაბის ხელმძღვანელი, სერგი კაპანაძე, ეკონომიკის მინისტრს აკრიტიკებს და ტყუილის ტირაჟირებაში ადანაშაულებს. სერგი კაპანაძის თქმით, ყველა ის მონაცემი, რაც მოიყვანა მინისტრმა არის ტყუილ

სალომე ზურაბიშვილი - პანდემიის მიუხედავად, მრავალეროვანი სწავლების საქართველოში ჩატარება მუდმივად მზარდი თანამშრომლობის ნათელი მაგალითია

18 სექტემბერი, 2020 , 12:25

სწორედ თანამედროვე, ნატო-სთან თავსებადი თავდაცვის ძალები და პარტნიორებთან მჭიდრო თანამშრომლობა კიდევ უფრო გვაახლოვებს ალიანსის წევრობასთან, რომელიც არის ჩვენი მყარი მიზანი, - ამის შესახებ საქართველოს პრეზიდენტმა სალომე ზ