უკან

უახლესი ამბები

დღის კალენდარი

ანონსები

არქივი

პოლიტიკა

25 იანვარი, 2017 13:55
font-size

ლევან იზორია სტოკჰოლმში შვედ კოლეგას შეხვდა

საქართველოს თავდაცვის მინისტრი სკანდინავიის ქვეყნებში ოფიციალურ ვიზიტს განაგრძობს. ლევან იზორია ფინეთის შემდეგ შვედეთის სამეფოს ეწვია.

შვედეთის სამხედრო აკადემიაში „კარლბერგში“ ქართული დელეგაციის დახვედრის ოფიციალური ცერემონიალი საქართველოსა და შვედეთის სახელმწიფო ჰიმნების ფონზე გაიმართა. ლევან იზორიას შვედმა კოლეგამ პიტერ ჰულტქვისტმა უმასპინძლა. შეხვედრის დასაწყისში საქართველოს თავდაცვის მინისტრმა კოლეგას მადლობა გადაუხადა საქართველოს შეიარაღებული ძალების ოცეულის მხარდაჭერისთვის, რომელიც უახლოეს მომავალში ევროკავშირის ეგიდით ცენტრალური აფრიკის რესპუბლიკაში მიმდინარე საწვრთნელ მისიაში ჩაერთვება.

მხარეებმა ურთიერთთანამშრომლობის გეგმები განიხილეს და ხაზგასმით აღნიშნეს, რომ შვედეთის სამეფოსა და საქართველოს შორის სხვადასხვა სფეროში ნაყოფიერი პარტნიორობა აკავშირებთ. ლევან იზორიას განცხადებით, ქართული მხარე მზად არის შვედეთის სამეფოსთან პარტნიორობა კიდევ უფრო გააფართოვოს. მხარეებმა აღნიშნეს, რომ საქართველო და შვედეთი უელსის სამიტზე მიღებული გაძლიერებული შესაძლებლობების ინიციატივის ფორმატში რეგულარულად მიიღებენ მონაწილეობას პოლიტიკურ კონსულტაციებსა და სტრატეგიულ დისკუსიებში.

ურთიერთთანამშრომლობის ფორმატის განხილვისას ლევან იზორიამ განაცხადა, რომ საქართველოსთვის ევროატლანტიკურ სტრუქტურებში სწრაფვისა და დემოკრატიული რეფორმების გატარების პარალელურად, ნატო-საქართველოს არსებითი პაკეტის ფარგლებში მიმდინარე პროექტებში საქართველოს პარტნიორი ქვეყნების აქტიური ჩართულობა სასიცოცხლოდ მნიშვნელოვანია. ამ კონტექსტში კი, მინისტრმა ყურადღება გაამახვილა 2017 წლის თებერვლიდან ნატო-საქართველოს წვრთნისა და შეფასების ერთობლივ ცენტრში შვედი ექსპერტის ჩართულობაზე, რომელიც ქართველ კოლეგებს საკუთარ გამოცდილებას გაუზიარებს.

როგორც ლევან იზორიამ აღნიშნა, შვედ ექსპერტებთან კონსულტაციები არსებითად მნიშვნელოვანია საქართველოს თავდაცვის უწყებაში მიმდინარე რეფორმების წარმატებით განხორციელებისთვის და ქართველ სამხედროებს საუკეთესო გამოცდილების გაზიარების შესაძლებლობას აძლევს, მათ შორის სამხედრო განათლების კუთხითაც. გარდა ამისა, შვედეთის სამეფო მხარს უჭერს საქართველოს ნატოს ნდობის ფონდის უტილიზაციის პროექტს, რომლის ფარგლებშიც შვედი ინსტრუქტორები ქართველ სამხედრო ინჟინრებს წვრთნების ჩატარებაში უწევენ დახმარებას. თავის მხრივ, კი ქართულმა მხარემ შვედი სამხედროები 2018 წელს დაგეგმილ ნატო-საქართველოს სწავლებაში მონაწილეობისთვის მიიწვია და სამთო კურსების გასავლელად საჩხერის სამთო მომზადების სკოლა შესთავაზა.

შეხვედრის დასრულების შემდეგ მინისტრებმა განხილული საკითხები შეაჯამეს და საქართველოსა და შვედეთის საერთო ინტერესებზე გაამახვილეს ყურადღება. „შვედეთის თავდაცვის მინისტრთან ძალიან საინტერესო შეხვედრა გვქონდა. ჩვენი ქვეყნები, ევროპის სხვა ქვეყნებთან ერთად, მსგავსი საფრთხის წინაშე დგანან, რაც გვავალდებულებს იმას, რომ ამ საფრთხეებს ერთი მიდგომით, ერთი კონცეფციით გავუმკლავდეთ. მხედველობაში მაქვს ტერიტორიული თავდაცვის კონცეფცია, ტოტალური ჩართვის კონცეფცია. შესაბამისად, გვაინტერესებს შვედების გამოცდილება ამ მიმართულებით. მათ შეიმუშავეს ძალიან საინტერესო სტრატეგია მომავალი 4 წლისთვის და ბევრი თანხვედრაა ჩვენსა და მათ სტრატეგიას შორის,“ - აღნიშნა ლევან იზორიამ.

„ჩემს ქართველ კოლეგასთან ძალიან კარგი შეხვედრა მქონდა. ჩვენ ორივე პატარა ქვეყნებს წარმოვადგენთ, რომლებიც საერთაშორისო სამართლით აღიარებულ პრინციპებს ეფუძნება. ჩვენ მომავალში გავაღრმავებთ ორმხრივ თანამშრომლობას. დღევანდელ შეხვედრაზე განვიხილეთ კიბერთავდაცვის, ჰიბრიდული ომისა და უსაფრთხოების საკითხები“, - განაცხადა პიტერ ჰულტქვისტმა.

ოფიციალური ვიზიტის ფარგლებში საქართველოს თავდაცვის სამინისტროს დელეგაციამ შეხვედრა გამართა შვედეთის სამეფოს შეიარაღებული ძალების მთავარსარდალთან, გენერალ მიკაელ ბიდენთან. ხვალ კი ლევან იზორია შვედეთის სამეფოს პარლამენტის - რიკსდაგის თავდაცვის კომიტეტის წარმომადგენლებთან შეხვედრას გამართავს.

აფრთხობენ ამომრჩეველს, უნერგავენ აზრს, რომ ჩვენ დესტაბილიზაციას ვგეგმავთ - რომან გოცირიძე

19 ოქტომბერი, 2018 , 17:40

„ნაციონალური მოძრაობის“ ერთ-ერთი ლიდერის, რომან გოცირიძის განცხადებით, ხელისუფლება ამომრჩეველს აფრთხობს და უნერგავს აზრს, რომ „ნაციონალური მოძრაობა“ დესტაბილიზაციას გეგმავს. მისი თქმით, პარტია როც

საქართველო არ არის ბიზნეს კორპორაცია, საქართველო არ არის ბიზნეს ობშორა - შალვა ნათელაშვილი

19 ოქტომბერი, 2018 , 17:10

"ლეიბორისტული" პარტიის ლიდერი და პრეზიდენტობის კანდიდატი შალვა ნათელაშვილი დიპლომატიური კორპუსის წარმომადგენლებს შეხვდა. ნათელაშვილმა დიპლომატებს არსებული საარჩევნო გარემო გააცნო. პრეზიდენტობის კანდიდატმა შეხვედრაზე არჩე

ნუ გვაბოლებთ - შვილმოკლული მამების აქცია პროკურატურასთან

19 ოქტომბერი, 2018 , 17:10

„ნუ გვაბოლებთ“, - ამ შინაარსის აქცია-პერფორმანსს შვილმოკლული მამები მთავარ პროკურატურასთან მართავენ. მათი თქმით, ხელისუფლება ხორავას ქუჩაზე მომხდარი მკვლელობისა და პანკისში ჩატარებული სპეცოპერაციის შედეგად მო

მარჯანიშვილზე, ქუჩაში ვნახე, რომ ბევრი კარავია გაშლილი, უცხოელებს თუ აქვთ კარვის გაშლის უფლება, ჩვენ არ გვაქვს?! - ზაზა სარალიძე

19 ოქტომბერი, 2018 , 16:30

თბილისში, ხორავას ქუჩაზე მოკლული დავით სარალიძის მამა, ზაზა სარალიძე დღეს საღამოს პარლამენტის შენობის წინ კარვის გაშლას აპირებს. ამის შესახებ სარალიძემ ჟურნალისტებს მთავარ პროკურატურასთან განუცხადა, სადაც აქცია-პერფომანს

არცერთი ის წევრი, რომელიც აქამდე გვერდით დაუყენებია უგულავას, „ქართული ოცნების“ მოქმედი წევრი არაა - მამუკა მდინარაძე

19 ოქტომბერი, 2018 , 16:30

საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ უარყო „ევროპული საქართველოს“ ერთ-ერთი ლიდერის, გიგი უგულავას განცხადება, რომ „ქართული ოცნებიდან“ „ევროპულ ს

იუსტიციის უმაღლესი საბჭოს წევრის გასაუბრებაზე აცილების არსებული მოდელი არაკონსტიტუციურია - საია

19 ოქტომბერი, 2018 , 15:55

„საქართველოს ახალგაზრდა იურისტთა ასოციაცია“ იუსტიციის უმაღლესი საბჭოს წევრის გასაუბრებაზე აცილების არსებულ მოდელს არაკონსტიტუციურად მიიჩნევს. საია-ს აზრით, კონსტიტუციის 29-ე მუხლის მე-2 პუნქტით გარანტირებული

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`