პოლიტიკა
ლევან იზორიას ეროვნული უსაფრთხოების საბჭოს მდივნის ფუნქციის შესრულება დაეკისრა
მთავრობის ადმინისტრაციაში, პრემიერ-მინისტრ გიორგი გახარიას ხელმძღვანელობით, ეროვნული უსაფრთხოების პირველი საბჭოს სხდომა გაიმართა.
სხდომაზე საბჭოს მდივნის ფუნქცია დაზვერვის სამსახურის ხელმძღვანელ ლევან იზორიას დაეკისრა.
ადმინისტრაციის პრესსამსახურის ინფორმაციით, სხდომაზე უსაფრთხოების ჭრილში ქვეყნის წინაშე არსებული გამოწვევები და რეგიონში მიმდინარე პროცესები განიხილეს.
განსაკუთრებული ყურადღება დაეთმო კიბერუსაფრთხოების უზრუნველყოფის სფეროში არსებულ პრობლემებს, ქვეყნის ტერიტორიული მთლიანობის ხელყოფისა და ოკუპირებულ ტერიტოროებთან დაკავშირებულ გამოწვევებს.
სხდომაზე იმსჯელეს უსაფრთხოების სფეროში ეროვნული დონის კონცეპტუალური დოკუმენტების განახლების აუცილებლობაზე. ამ თვალსაზრისით საუბარი შეეხო საქართველოს ეროვნული უსაფრთხოების კონცეფციასა და საქართველოს საფრთხეების შეფასების დოკუმენტს.