უკან

უახლესი ამბები

დღის კალენდარი

ანონსები

არქივი

ეკონომიკა

16 ნოემბერი, 2016 16:45
font-size

ლევან კალანდაძე ლარის კურსის გამყარებას დეკემბრისთვის ელოდება

ეკონომიკის ექსპერტი ლევან კალანდაძე ლარის კურსის გამყარებას დეკემბრისთვის ელოდება.

როგორც მან დღეს გამართულ პრესკონფერენციაზე განაცხადა, ნოემბერი სპეციფიკური თვეა, რადგან იმპორტიორები ცდილობენ სასაქონლო მარაგები წინასაახალწლო ვაჭრობისთვის გაზარდონ.

,,დეკემბერთან დაკავშირებით ოპტიმისტური მოლოდინები მაქვს, რადგან იმპორტიორების მიერ ნოემბერში დაგროვილი მარაგი დახლებზე მოექცევა და საზოგადოებას მოხმარება გაეზრდება. ასევე, წლის ბოლოს ორგანიზაციებს სავადოები უდგებათ, მათ ბიუჯეტის წინაშე ვალდებულებები აქვთ შესასრულებელი და მათაც ეზრდებათ ლარზე მოთხოვნა. ასევე, მოსალოდნელია, რომ საერთაშორისო დონორი ორგანიზაციიდან ტრანშები განხორციელდეს დეკემბერში, ამ თვალსაზრისით სავალუტო შემოდინებები გაიზრდება. ყველა ამ ფაქტორის გათვალისწინებით, ლართან დაკავშირებით ოპტიმისტური მოლოდინი მაქვს და შესაძლებელია გამყარების ტენდენცია ვნახოთ. იანვრის თვიდან, ლარის კურსის გამყარების შენარჩუნება იმ ღონისძიებებზეა დამოკიდებული, რაც მთავრობის ადმინისტრაციამ დააანონსა",- განაცხადა ეკონომიკის ექსპერტმა.

ლევან კალანდაძე იზიარებს მთავრობის მოსაზრებას, რომ ლარის კურსის ვარდნის ერთ-ერთი განმსაზღვრელი ფაქტორი ვალუტასთან მიმართებაში ნეგატიური მოლოდინების შექმნა გახდა.

"საზოგადოებრივი განწყობები სერიოზული მაპროვოცირებელია როგორც გაუფასურების, ასევე დასტაბილურების პროცესში. რამდენი პროცენტია საზოგადოებრივი განწყობები ლარის რყევის ფაზაში, ამის თქმა ძნელია, თუმცა ფაქტია, რომ საზოგადოებრივ განწყობას დიდი მნიშვნელობა აქვს. ეს არ არის ისეთი მინიმალური, რომ მას ყურადღება არ მიექცეს",- განაცხადა ლევან კალანდაძემ.

ეკონომიკის ექსპერტი ფიქრობს, რომ ეროვნული ვალუტის კურსის დასტაბილურების მიზნით, იმპორტზე კონკრეტული რეგულაციები უნდა დაწესდეს და ადგილობრივი ბიზნესგარემო შეიცვალოს.

ჩვენ შეგვიძლია გამოვიყენოთ ის ინსტრუმენტები, რომელიც უზრუნველყოფს სავალუტო ნაკადებზე მოთხოვნა-მიწოდების კორექტირებას. ადგილობრივ ბიზნესგარემოზე ორიენტირებული პოლიტიკის არათუ შენარჩუნება, არამედ გაძლიერება მოუწევს მთავრობას. ჩვენ თუ გვინდა, რომ ქვეყანაში იმაზე მეტი ვალუტა შემოდიოდეს, ვიდრე შემოდის და გადიოდეს იმაზე ნაკლები, ვიდრე ახლა გადის, ამას ექსპორტზე ორიენტირებული წარმოება და იმპორტირებული პროდუქტის ადგილობრივით ჩანაცვლება სჭირდება“,- განაცხადა ლევან კალანდაძემ.

ექსპერტი იმედოვნებს, რომ დეკემბრის პირველ დეკადაში 2017 წლის ბიუჯეტის პროექტს სრულყოფილი ხასიათი ექნება, სადაც მთავრობის მიერ დაანონსებული ადმინისტრაციული ხარჯების შემცირება აისახება.

ცნობისათვის: საქართველოს მთავრობა და ეროვნული ბანკი საერთაშორისო სავალუტო ფონდთან კონსულტაციის შედეგად, გეგმავს რიგი კომპლექსური ზომების გატარებას.

ნინო ექვთიმიშვილი

კონტრციკლური ბუფერი 0 პროცენტზე რჩება

27 მაისი, 2020 , 12:38

საქართველოს ეროვნული ბანკის ფინანსური სტაბილურობის კომიტეტმა კონტრციკლური ბუფერი უცვლელად, 0 პროცენტზე დატოვა. აღნიშნული ბუფერის მოთხოვნა წლის ბოლომდე უცვლელად შენარჩუნდება. ფინანსური სტაბილურობის კომიტეტის გადაწყვეტილებ

ისტორიული ბორჯომი ჰესის აღდგენა ბორჯომ-პარკს კიდევ უფრო მიმზიდველს გახდის - ნათია თურნავა

26 მაისი, 2020 , 17:41

ეკონომიკისა და მდგრადი განვითარების მინისტრი ნათია თურნავა ისტორიული ბორჯომი ჰესის სარებილიტაციო სამუშაოების მიმდინარეობას გაეცნო. ბორჯომ-პარკში მდებარე ჰიდროელექტროსადგური ერთ-ერთი პირველი იყო რუსეთის იმპერიაში პეტერბურ

საბანკო სექტორში განთავსებული არასაბანკო დეპოზიტების მოცულობამ პირველი მაისისათვის 27.58 მლრდ ლარი შეადგინა

25 მაისი, 2020 , 19:02

საბანკო სექტორში განთავსებული არასაბანკო დეპოზიტების მოცულობამ 2020 წლის პირველი მაისისათვის 27.58 მლრდ ლარი შეადგინა, რაც 1.30 მლრდ ლარით, ანუ 4.49%-ით ნაკლებია პირველი აპრილისათვის არსებულ მაჩვენებელზე (გაცვლითი კურსის

კომერციული ბანკების მიერ გაცემული სესხების მოცულობა 787.06 მლნ ლარით შემცირდა

25 მაისი, 2020 , 18:43

აპრილში კომერციული ბანკების მიერ გაცემული სესხების მოცულობა წინა თვესთან შედარებით 787.06 მლნ ლარით შემცირდა. უფრო კონკრეტულად კი კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2020 წლ

საქართველოს კომერციული ბანკების მთლიანი აქტივები 2.01 პროცენტით შემცირდა

25 მაისი, 2020 , 18:34

ეროვნული ბანკის ცნობით, მიმდინარე წლის აპრილში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 1.01 მლრდ ლარით, ანუ 2.01 პროცენტით შემცირდა (გაცვლითი კურსის ეფექტის გარეშე 0.

როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა - ნათია თურნავა

25 მაისი, 2020 , 16:07

„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანე