უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
არქივი
პოლიტიკა
ლევან ყიფიანის ჩვენება დაახლოებით იგივეა, შოთა რუსთაველის წინააღმდეგ ჩვენება მივცე, „ვეფხისტყაოსანი“ ჩემი დაწერილია და იმან მომპარა-მეთქი - გია ხუხაშვილი
ბიძინა ივანიშვილის ყოფილმა მრჩეველმა, ანალიტიკოსმა გია ხუხაშვილმა „ომეგა ჯგუფის“ საქმეზე საუბრისას განაცხადა, რომ ეს საქმე საქართველოს სამართლის ფარგლებს სცილდება. ლევან ყიფიანის მიერ მიცემული ჩვენება ხუხაშვილმა ფანტასტიკურ სიუჟეტს შეადარა. მისივე თქმით, ყიფიანის ჩვენება ამ ჯგუფის კომპრომიტირებას ნიშნავს. ხუხაშვილისთვის გაუგებარი აღმოჩნდა, რატომ ამტკიცებს ყიფიანი, რომ ტანი მისია, ხოლო თავი - არა.
„ამის კომენტირება უკვე ძალიან მძიმეა. ხელისუფლება, ჩემი აზრით, ძალიან დიდ შეცდომებს უშვებს, რადგან ცდილობს, ეს ყველაფერი სამართლებრივად და კარგ შემთხვევაში ვიღაცას ბრალდებები იქით შეუტრიალოს. იმაზე არავინ არ ფიქრობს, რომ ეს საქმე საქართველოს სამართლის ფარგლებს სცილდება და ძალიან მძიმე პოლიტიკური თუ საზოგადოებრივი განზომილება აქვს.
ამ სამ ასპექტში აბსოლუტურ კატასტროფაში შედიან. აბსოლუტურად ფანტასტიკურ სიუჟეტებს ვისმენთ. დაახლოებით ასეა, ახლა მე რომ შოთა რუსთაველის წინააღმდეგ ჩვენება მივცე, „ვეფხისტყაოსანი“ ჩემი დაწერილია და იმან მომპარა-მეთქი. სამართალდამცავი სისტემა თავს ძალიან რთულ სიტუაციაში იგდებს, როდესაც ამ ყველაფერზე თავს უქნევს“, - უთხრა ხუხაშვილმა „რეზონანსს“.
ექსპერტის თქმით, მას რჩება შთაბეჭდილება, რომ „ომეგას“ სკანდალს ბიძინა ივანიშვილიც იზიარებს, თუმცა არ ესმის, რატომ იღებს ექს-პრემიერი ამ პასუხისმგებლობას. ხუხაშილის აზრით, ბიძინა ივანიშვილი ამ საქმესთან არაფერ შუაში არაა, რის გამოც გაუჩნდა კითხვა „მაშინ რა გამოდის, ივანიშვილი ამ ყველაფრის მძევალია?“.