სამართალი
ლევან როსტოშვილი და ლაშა კურტანიძე 150-150 ათას ლარიანი გირაოს სანაცვლოდ გაათავისუფლეს
ნარკოდანაშაულში ბრალდებულები ტელეწამყვანი, ლევან როსტოშვილი და მსახიობი ლაშა კურტანიძე თითოეული 150-150 ათას ლარიანი გირაოს სანაცვლოდ გაათავისუფლეს.
ამის შესახებ მედიანიუსს თბილისის საქალაქო სასამართლოში განუცხადეს.
,,მათ აღკვეთის ღონისძიება პატიმრობა გირაოთი შეეცვალათ და როსტოშვილიც 150 ათასლარიანი გირაოს სანაცვლოდ გათავისუფლდა და კურტანიძესაც ასევე აღკვეთი 150 ათასლარიანი გირაოთი შეეცვალა’’, - აცხადებენ სასამართლოში.
აღკვეთის ღონისძიების გირაოთი ჩანაცვლების შესახებ შუამდგომლობა დღევანდელ პროცესზე დაცვის მხარემ დააყენა.
მოსამართლემ ადვოკატის შაუმდგომლობა გაითვალისწინა და ორივე დაკავებული სასამართლო დარბაზიდან გაათავისუფლა.
მათ გირაოს თანხის შესატანად 5 დღიანი ვადა აქვთ.
ლევან როსტოშვილი და ლაშა კურტანიძე მიმდინარე წლის 5 მაისს დააკავეს. გამოძიების ინფორმაციით, როსტოშვილსა და კურტანიძეს 42.9524 გრამი ნარკოტიკული საშუალება MDMA აღმოაჩნდათ.
მათ წინააღმდეგ საქმე აღძრულია სისხლის სამართლის კოდექსის 260-ე მუხლის მე-6 ნაწილით, რაც ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადებას, წარმოებას, შეძენას, შენახვას, გადაზიდვას, გადაგზავნას ან გასაღებას ითვალისწინებს.
ნინო ექვთიმიშვილი