უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
ლიტვაში საქართველოს დამოუკიდებლობის დღის აღსანიშნავად ტიხრული მინანქრის გამოფენა მოეწყო
ქ. ვილნიუსში, ლიტვის მხატვართა კავშირის გალერეაში ქართული ტიხრული მინანქრის გამოფენა „საქართველოს ფერები“ გაიხსნა.
გამოფენა საქართველოს დამოუკიდებლობის დღის ღონისძიებების ფარგლებში გაიმართა და იგი საქართველოს ელჩმა ლიტვის რესპუბლიკაში ხათუნა სალუქვაძემ და გალერეის ხელმძღვანელმა დოვილე ტომკუტემ გახსნეს.
საქართველოს საგარეო საქმეთა სამინისტროს ინფორმაციით, ღონისძიების მიმდინარეობისას, ქართველმა მხატვარ-დიზაინერებმა მოწვეულ სტუმრებს გააცნეს თავიანთი შემოქმედება და ქართული ტიხრული მინანქრის ტრადიციის შესახებ ესაუბრნენ.
გამოფენის გახსნას დაესწრნენ ლიტვის ოფიციალური პირები, ვილნიუსში აკრედიტებული დიპლომატიური კორპუსის წარმომადგენლები, მედიის წარმომადგენლები და სხვა საპატიო სტუმრები. ღონისძიების დახურვისას გაიმართა ფურშეტი, სტუმრებმა დააგემოვნეს ქართული ღვინო და ნუგბარი.
ლიტვაში საქართველოს დამოუკიდებლობის დღე ტრადიციულად ღონისძიებების სერიით აღინიშნება. 25 მაისს ქ. ვილნიუსის თბილისის სახელობის სკვერში გაიმართება ქართულ-ლიტვური პოეზიის ფესტივალი „პოეზიის გაზაფხული“. ასევე, ლიტვის საგარეო საქმეთა სამინისტროში გაიმართება ქართული სამზარეულოს დღე და „ქართული სადილი“. ხოლო საქართველოს დამოუკიდებლობის დღეს, 26 მაისს საქართველოს საელჩო უმასპინძლებს საქართველოს დამოუკიდებლობის დღისადმი მიძღვნილ საზეიმო მიღებას. გარდა ამისა, ამავე დღეს მთელი დღის განმავლობაში, საქართველოს საელჩოს ორგანიზებით, ვილნიუსის ცენტრალურ გამზირზე, ლიტვის ეროვნული ბიბლიოთეკის შენობის ფასადზე, ლიტვის პარლამენტის გვერდით, გადმოიფინება საქართველოს გიგანტური დროშა.