უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ლუგარის ლაბორატორიაზე რუსეთის პროვოკაცია არის პროპაგანდის ერთ-ერთი ელემენტი, რომელსაც არ უნდა ავყვეთ - თამარ ხულორდავა
საქართველოს პარლამენტის ევროინტეგრაციის კომიტეტის თავმჯდომარის, თამარ ხულორდავას განცხადებით, ლუგარის სახელობის ლაბორატორიასთან დაკავშირებით რუსეთის მიერ გავრცელებული განცხადება რუსული პროპაგანდის ერთ-ერთი ელემენტია.
დეპუტატის თქმით, ამ პროვოკაციას არავინ არ უნდა აჰყვეს.
„რუსულ რბილ ძალაზე არ საუბრობენ მხოლოდ ის ქვეყნები, რომლებიც საზღვარს იყოფენ რუსეთთან და პირდაპირ ცეცხლის ხაზზე არიან. უკვე იმდენად მომწიფებულია სიტუაცია და ისეთი შეცვლილია რუსეთის მიმართ დამოკიდებულება ევროკავშირის ქვეყნებში, რომ ეს არის პრობლემა, რომელზეც ხმამაღლ ა საუბრობს ყველა. ლუგარის ლაბორატორიასთან დაკავშირებული სრული პროვოკაციაც არის ერთ-ერთი ელემენტი. აუცილებელია ჩვენი საზოგადოების დაცვა ასეთი ტიპის საფრთხეებისგან და აუცილებელია, რომ მსგავს პროვოკაციებს არ ავყვეთ“, – განაცხადა ხულორდავამ.
რუსეთის თავდაცვის სამინისტრომ 4 ოქტომბერს განაცხადა, რომ „აშშ-ი ლუგარის ლაბორატორიაში საქართველოს მცხოვრებლებზე ექსპერიმენტებს ატარებს“. რუსული მხარის მტკიცებით, ტოქსიკური ნივთიერების გამოცდის გამო, 2015 წლის დეკემბერის შემდეგ ათობით ადამიანი დაიღუპა. ეს განცხადება რუსეთის შეიარაღებული ძალების რადიაციული, ქიმიური და ბიოლოგიური დაცვის ჯარების მეთაურმა იგორ კირილოვმა გააკეთა. ამასთან, თავდაპირველად ამ თემაზე პრესკონფერენცია მოსკოვში იგორ გიორგაძემ გამართა.
მომდევნო დღეს რუსეთის თავდაცვის სამინისტროს დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უპასუხა. მისი განცხადებით, რუსეთი აგრძელებს უსაფუძვლო დეზინფორმაციის გავრცელებას რიჩარდ ლუგარის ცენტრის მუშაობასთან დაკავშირებით.