უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ქართველი ხალხის 80 პროცენტს სურს ცვლილებები, სურს ყავდეს ხელისუფლება, რომელიც კი არ პარავს, არამედ ემსახურება მათ - ნიკა ობოლაძე
ქართველი ხალხის 80 პროცენტს სურს ცვლილებები, სურს ყავდეს ხელისუფლება, რომელიც კი არ პარავს, არამედ ემსახურება მათ, - ამის შესახებ „ერთიანი ნაციონალური მოძრაობის“ პოლიტსაბჭოს წევრმა, ნიკა ობოლაძემ განაცხადა.
მისი თქმით, „ქართული ოცნება“ საუბრობს საკუთარ სურვილებზე და საკუთარ რიცხვებზე, ქართველ ხალხს კი სხვა სურვილები აქვს.
„ხელისუფლება საუბრობს საკუთარ სურვილებზე და საკუთარ რიცხვებზე. მათ სურთ ხელისუფლების შენარჩუნება ყველა გზით, რადგან კვლავ ჰქონდეთ დრო, ქართველი ხალხის ძარცვისთვის და მათთვის ნორმალური ცხოვრების შანსის მოპარვისთვის. „ოცნებას“ მხოლოდ საკუთარი კეთილდღეობის მიზნები ამოძრავებს, მხოლოდ ის უნდათ, რომ მათმა შვილებმა ჩარტერით იფრინონ და არ ადარდებთ სხვისი შვილები, რომლებიც საცობში გაჩერებულ, გადაჭედილ ავტობუსებში ატარებენ დროის დიდ ნაწილს.
საქართველოს მოქალაქეებს აქვთ სხვა სურვილები და სხვა რიცხვები. ქართველ ხალხს სურს აქ, ამ მიწაზე, საქართველოში ჰქონდეთ ღირსეული ცხოვრების შესაძლებლობა, სურთ, რომ არ უწევდეთ ქვეყნის დატოვება მინიმალური ანაზღაურების საძიებლად, სურთ, რომ ცხოვრობდნენ საკუთარ სამშობლოში და ჰქონდეთ ნორმალური სამსახური, იყოს სტაბილური ფასები და გააჩნდეთ მომავლის პერსპექტივა.
რეალურად, ადამიანების 80 %-ს სურს ცვლილებები, სურს ჰყავდეს ხელისუფლება რომელიც კი არ იპარავს, არამედ ემსახურება მათ, სურს ევროკავშირში ინტეგრაცია რადგან საქართველოში, ნორმალური საცხოვრებელი გარემოს შესაქმნელად, ყველაზე მოკლე გზა ევროკავშირზე გადის.
ქართველი ხალხის სურვილებს კი ეწინააღმდეგება „ოცნება“, ამიტომ, 2024 წელი იქნება ცვლილებების წელი, ახალ საარჩევნო ვადაში საქართველოს ეყოლება ხელისუფლება, რომლის მთავარი საზრუნავი იქნება ხალხის უკეთესი ცხოვრება, რომელიც დაჩქარებულად შეიყვანს ქვეყანას ევროკავშირში, მოიზიდავს ინვესტიციებს, აღმოფხვრის ტოტალურ კორუფციას, გააჩენს მაღალანაზღაურებად სამუშაო ადგილებს და ბუნებრივად შეაჩერებს მასობრივ ემიგრაციას“, - განაცხადა ნიკა ობოლაძემ.