მოზაიკა

მაღალმთიან რაიონებში დღეს მოთოვს

სინოპტიკოსები საქართველოს ზოგიერთ რაიონში დღეისთვის წვიმას, მაღალ მთაში კი, თოვას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს. ზოგიერთ რაიონში წვიმაა მოსალოდნელი, მაღალ მთაში კი - თოვა. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +10, +15; მთაში +6, +11; მაღალ მთაში +1, +6 გრადუსი.

დროგამოშვებით ღრუბლიანობა მოიმატებს აღმოსავლეთ საქართველოშიც. ზოგან იწვიმებს, მაღალ მთაში კი, მოთოვს. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +11, +16; მთაში +10, +15; მაღალ მთაში +1, +6 გრადუსი.

თბილისში დროგამოშვებით ღრუბლიანობა მოიმატებს. შესაძლებელია მცირე წვიმა. იქროლებს ჩრდილო-დასავლეთის ქარი 10-15 მეტრი/წამში. ჰაერის ტემპერატურა კი, იქნება ღამით +6 და დღისით +15 გრადუსი.

ნინო ექვთიმიშვილი