სამართალი

მაია და გურამ რჩეულიშვილები სასამართლო პროცესზე არ გამოცხადდნენ

სამშენებლო კომპანია ცენტრ პოინტის ბათუმის მაგნოლიის ეპიზოდზე ბრალდებულები მაია და გურამ რჩეულიშვილები სასამართლო პროცესზე არ გამოცხადნენ.

იმის შესახებ, რომ დღევანდელ პროცესზე ჩვენების მისაცემად მაია რჩეულიშვილი გამოცხადდებოდა 9 თებერვალს გახდა ცნობილი. მაშინ, მაია რჩეულიშვილის ადვოკატმა მარიამ ცუცქირიძემ განაცხადა, რომ მიუხედავად იმისა, ბრალდების მხარემ მოწმეების დაკითხვა და დოკუმენტური მტკიცებულებების წარდგენა დაასრულა, ბევრი კითხვა პასუხგაუცემელი დარჩა და რჩეულიშვილს სურს მათზე პასუხები გასცეს.

დღევანდელი პროცესის დაწყებამდე ცუცქირიძემ აცხადებდა, რომ გუშინ შეხვდა ბრალდებულს და მისგან მოისმინა მზაობა სასამართლოზე გამოცხადების შესახებ. ცუცქირიძის თქმით, მაია რჩეულშვილმა ადვოკატთან დაკითხვის წინ პოზიციები შეათანხმა.

მოგვიანებით კი ცუცქირიძემ აღნიშნა, რომ მისთვის უცნობია, თუ რატომ არ გამოცხადდა მაია რჩეულიშვილი დღევანდელ სასამართლო პროცესზე.

საქმის პროკურორების განცხადებით, გურამ და მაია რჩეულშვილები თავს არიდებენ სასამართლოში გამოცხადებას და პროცესის გაჭიანურებას ცდილობენ.

მონიკა დავლიანიძე