უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
სამართალი
მაია რჩეულიშვილი საავადმყოფოდან სასჯელაღსრულების დაწესებულებაში დააბრუნეს
სამშენებლო კომპანია ცენტრ პოინტის საქმეზე ერთ-ერთი ბრალდებული მაია რჩეულშვილი საავადმყოფოდან სასჯელაღსრულების დაწესებულებაში დააბრუნეს.
როგორც მედიას კლინიკური მედიცინის სამეცნიერო-კვლევითი ინსტიტუტის წარმომადგენელმა მაკა მაღლაკელიძემ განუცხადა, მაია რჩეულიშვილმა საჭირო გამოკვლევებზე უარი გუშინ განაცხადა.
მაღლაკელიძის თქმით, გუშინ, რჩეუშლიშვილისთვის უნდა ჩაეტარებინათ გამოკვლევა გულზე და ამის შემდეგ გადაწყდებოდა შეძლებდა თუ არა ის სხვა ოპერაციის გადატანას.
„მას დადგენილი აქვს ფილტვის წარმონაქმნი, რომელიც საჭიროებს ქირურგიულ ჩარევას. თუმცა მკურნალობის ამ ეტაპზე ჯერჯერობით ოპერაციამდე საჭირო იქნა კორონაროგრაფიის ჩატარება, იმნაზიური კორონაროგრაფიის ჩატარება, რომლის ჩატარებაზეც პაციენტმა უარი განაცხადა“,-აღნიშნა მაღლაკელიძემ.
მისი თქმით, მაია რჩეულშვილის ჯანმრთელობის მდგომარეობა სტაბილური, მაგრამ მძიძეა.
„მისი ჯანმრთელობის მდგომარეობა ამ წუთისთვის სტაბილურია, მაგრამ რჩება კვლავ მძიმე. მას აუცილებლად ესაჭიროება ამ გამოკვლევის და შემდეგ მკურნალობის ჩატარება“,-აცხადებს მაღლაკელიძე.
შეგახსენებთ, რომ ინფორმცია იმის შესახებ, რომ მაია რჩეულიშვილმა მკურნალობაზე უარი განაცხადა, „ბათუმი მაგნოლიის“ ეპიზოდთან დაკავშირებით სასამართლო პროცესზე გახდა ცნობილი.
პროკურორის თქმით, სახელმწიფო ბრალდებას ინფორმაცია კლინიკური მედიცინის სამეცნიერო-კვლევითი ინსტიტუტის ხელმძღვანელმა მიაწოდა.
თუმცა, როგორც მაია რჩეულიშვილის ადვოკატმა მარიამ ცუცქირიძემ სასამართლო სხდომის დასრულების შემდეგ განაცხადა, მისთვის მაია რჩეულიშვილის გადაწყვეტილება ცნობილი არ ყოფილა.
მონიკა დავლიანიძე