უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
სამართალი
მაია რჩეულიშვილი სასამართლო განხილვის გადადებას ითხოვს - ადვოკატი
სამშენებლო კომპანია ცენტრ პოინტის, „ბათუმის მაგნოლიის“ ეპიზოდის საქმის განხილვა, თბილისის საქალაქო სასამართლოში გაგრძელდა.
დღეს, გაირკვევა ჩატარდება თუ არა სასამართლო პროცესები მაია რჩეულიშვილის ჯანმრთელობის მდგომარეობის გამო საავამდყოფოში თუ არა, როგორც ამას პროკურატურა ითხოვს.
საქმეზე ერთ-ერთი ბრალდებულის, მაია რჩეულიშვილის ადვოკატის მარიამ ცუცქირიძის განცხადებით, იგი მოსამართლეს თავად ბრალდებულის შუამდგომლობას წარუდგენს, რომელშიც რჩეულიშვილი სთხოვს სასამართლოს, რომ სხდომები მის პალატაში არ ჩატარდეს, რადგან ეს რჩეულშვილის ჯანმრთელობის მდგომარეობას დაამძიმებს.
„ჩვენ გვაქვს წარმოდგენილი თვითონ მაია რჩეულიშვილის შუამდგომლობა, სადაც ის თხოვს სასამართლოს, რომ პალატაში კი არ ჩატარდეს პროცესი, რაც უფრო დაამძიმებს მის მდგომარეობას. ის უბრალოდ თხოვს სასამართლოს, რომ სასამართლომ დაიცვას მისი უფლებები და მისცეს საშუალება, რომ საპროცესო მოქმედებებში მიიღოს მონაწილეობა და თხოვს, რომ პროცესი გადაიდოს იმ ვადით, სანამ მას არ ჩაუტარდება შესაბამისი მკურნალობა და ის პირადად ვერ შეძლებს მოვიდეს სასამართლო დარბაზში“,-აღნიშნა ცუცქირიძემ.
საქმის პროკურორს კი მიაჩნია, რომ დაცვის მხარე პროცესს ხელოვნურად აჭიანურებს. ბრალდება კი, კვლავ მოითხოვს, რომ სასამართლო სხდომები სამკურნალო დაწესებულებაში გაიმართოს.
მონიკა დავლიანიძე