უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
რეგიონები
მაიძულებენ ტერიტორიის დატოვებას და მპირდებიან ჩემს მიწას სხვას გაუნაწილებენ -ებრაელი ფერმერი შევიწროების მორიგ ფაქტებზე საუბრობს
ოზურგეთის მუნიციპალიტეტის დაბა ლაითურში მცხოვრები ებრაელი ფერმერი იგორ ასკაროვი ეთნიკურ ნიადაგზე შევიწროების მორიგ ფაქტზე საუბრობს. მისი თქმით, შევიწროების მიზანია, რომ საცხოვრებელი ადგილი დატოვოს.
როგორც მედიანიუსთან საუბარში ასკაროვი აცხადებს, მისთვის ცნობილი გახდა, რომ იმ შემთხვევაში, თუ აღნიშნულ ტერიტორიას დატოვებს, მის კუთვნილ მიწას იმ ადამიანებს გაუნაწილებენ, რომლებიც მის წინააღმდეგ გამოდიან. მიზნის მისაღწევად, ადამიანთა ეს ჯგუფი სხვადასხვა ხერხს მიმართავს, მაგალითად, არღვევენ ღობეს და მის კუთვნილ მიწის ნაკვეთში ძროხებს უშვებენ, რომ მოსავალი და ახალნარგავები დაზიანდეს.
„სპეციალურად უშვებენ ძროხებს, რომ მოსავალი გამინადგურონ და მაიძულონ აქედან წასვლა. ძროხებმა სიმინდის, ხურმის და სხვა მოსავლის ნახევარი უკვე გამინადგურეს“,-აცხადებს ბიზნესმენი.
მისი თქმით, უკანასკნელი ინციდენტი ორი დღის წინ მოხდა, რა დროს მის კუთვნილ მიწის ნაკვეთში პირუტყვთან ერთად უკვე ადამიანიც იყო შესული.
„ძროხები უკვე სახლთან ახლოს არიან, ფანჯრის ქვეშ დგანან. ეს გვიან ღამით ხდებოდა. მე გამოვედი და შემთხვევით დავინახე ადამიანი, დავუყვირე და გავაგდე, ძროხა კი დარჩა ნაკვეთზე. მეორე დღეს, მოვიდნენ და ძროხა გაგვატანეთო, მე ვუთხარი, რომ არ ვიცი ვისი ძროხაა და როგორ გაგატანოთ მეთქი. ითხოვდნენ, შემოგვიშვიო და ჩვენ ამოვიცნობთო. მე კი უკვე ყველაფერი ყელში მქონდა ამოსული და გავჯიუტდი- არ შემოგიშვებთ მეთქი. გამგებელს დავურეკე და მოსვლა ვთხოვე. ადგილზე პოლიციაც მოვიდა. სამართალდამცველები მათ მხარს ღიად უჭერენ - მითხრეს, ღობე ხელოვნურად გაქვს ჩაჭრილიო, რომ სხვისი ძროხები მოიპაროო. საბოლოოდ, ჩაჭრილი ღობის მხრიდან შევიდნენ და გაიყვანეს თავიანთი ძროხები. თუმცა მანამდე შეხლა-შემოხლა იყო, ერთმა ჩემზე გამოიწია კიდევაც“,-განაცხადა იგორ ასკაროვმა.
მედიანიუსთან საუბარში დაბა ლაითურში ოზურგეთის გამგებლის წარმომადგენელმა, ემზარ ბერიძემ არ გამორიცხა, რომ ბიზნესმენის ღობე განზრახ იჭრებოდეს, თუმცა იმასაც ამბობს, რომ პირუტყვს პასუხს „ვერ მოსთხოვ“.
„საქონელი არის საქონელი, ადამიანი არის ადამიანი. შეიძლება ვიღაცამ ჩაჭრა ღობე, მაგრამ საქონელი გადადის იქ. რაც მე ჩემი თვალით ვნახე, ღობე გახსნილია და საქონელი გადადის და ბალახობს იქ“,-აღნიშნა ბერიძემ.
მისივე თქმით, მისი მთავარი ინტერესია, რომ სოფელში სიწყნარე იყოს.
იგორ ასკაროვი, რომელსაც ლაითურში სოლიდური ინვესტიცია აქვს განხორციელებული, საქართველოში რამდენიმე წელია ცხოვრობს. თავის მეურნეობაში დასაქმებული ჰყავს ადგილობრივი მოსახლეობა, თუმცა როგორც თავად აცხადებს, ადგილობრივი სამართალდამცავები და ზოგიერთი მაღალჩინოსანი ყველაფერს აკეთებენ, რომ მან გურია დატოვოს. მათი წაქეზებით შეურაცხყოფას აყენენენ, როგორც ებრაელს. მას არაერთხელ მოუწყვეს პროვოკაცია, უთიშავენ ინტერნეტსა და ელექტროენერგიას.
იგორ ასკაროვის წინააღმდეგ მიმართული ქმედებების ქართული მედიით არაერთხელ გაშუქების მიუხედავად, ოფიციალური სტრუქტურებისგან რეაგირება არ მომხდარა.
ისრაელელი ფერმერი უახლოეს მომავალში აპირებს დახმარებისთვის ისრაელის ელჩს საქართველოში, შაბთაი ცურს მიმართოს.
მონიკა დავლიანიძე