საზოგადოება

მალხაზ მაჩალიკაშვილი ჩემი ჭირისუფალია, ისევე როგორც, მე მისი ჭირისუფალი ვარ - დოდო გუგეშაშვილი

თადარიგის პოლოკოვნიკ დოდო გუგეშაშვილს შვილის გარდაცვალების გამო თემირლან მაჩალიკაშვილის მამამ, მალხაზ მაჩალიკაშვილმა მიუსამძიმრა.

მალხაზ მაჩალიკაშვილი საბურთალოს ძმათა სასაფლაოზე იმყოფებოდა, სადაც დოდო გუგეშაშვილის შვილი, ნოდარ გუგეშაშვილი დაკრძალეს.

დაკრძალვამდე დოდო გუგეშაშვილმა ჟურნალისტებთან კომენტარი გააკეთა და თავის მხრივ, მალხაზ მაჩალიკაშვილს მიუსამძიმრა.

"ეს არის ჩემი ძმა. ეს არის მალხაზ მაჩალიკაშვილი - თემირლან მაჩალიკაშვილის მამა. ამისი შვილი ჩემი ძმისშვილი იყო. ჩვენ საუკუნეა ძმები ვართ. მე მართლმადიდებელი ქრისტიანი ვარ, ჩემი ძმა მალხაზი არის მუსლიმი. ჩვენ ძმები ვართ, იმიტომ, რომ ორთავე ამ ქვეყნის შვილები ვართ. ჩემი ჭირისუფალია, ისევე როგორც, მე მისი ჭირისუფალი ვარ“, - განუცხადა დოდო გუგეშაშვილმა ჟურნალისტებს.

ნინო ექვთიმიშვილი