კომენტარი

მამა გიორგიმ დაწერა: თუ მქონდა ციანიდი და თუ ვაპირებდი მოწამვლას, მაშინ ამ წყევლით იცხოვროს ჩემმა შთამომავლობამ, თუ არა და თქვენმა - მიხეილ რამიშვილი

მამა გიორგიმ დაწერა და მე პროკურორებს გადავეცი ასეთი ჩანაწერი: თუ მქონდა ციანიდი და თუ ვაპირებდი პატრიარქის, შორენას თუ სხვა მაღალი იერარქიის სასულიერო პირის მოწამვლას, მაშინ ამ წყევლით იცხოვროს ჩემმა შთამომავლობამ, თუ არა და თქვენმა, - განუცხადა ჟურნალისტებს დაკავებული დეკანოზის, გიორგი მამალაძის ადვოკატმა მიხეილ რამიშვილმა, საქმის პროკურორის განცხადების კომენტირებისას.

მისივე განმარტებით, ე.წ. ციანიდის საქმის პროკურორებს აღნიშნული ჩანაწერი თავად დეკანოზის თხოვნით გადასცეს.

„შესაძლოა, ასე საუბარი სასულიერო ცხოვრების ერთ-ერთი შემადგენელი ნაწილია“, - განაცხადა ადვოკატმა.

მისივე თქმით, დეკანოზმა ჩვენების მიცემაზე ამ ეტაპზე უარი განაცხადა.

ნინო ექვთიმიშვილი