უკან
კომენტარი
28 თებერვალი, 2017 18:40
მამუკა ბახტაძე აფხაზეთის გავლით რუსეთ-სომხეთის დამაკავშირებელი სარკინიგზო ხაზის შესაძლო აღდგენას გამორიცხავს
„საქართველოს რკინიგზის“ გენერალური დირექტორი, მამუკა ბახტაძე აფხაზეთის გავლით რუსეთ-სომხეთის დამაკავშირებელი სარკინიგზო ხაზის შესაძლო აღდგენას გამორიცხავს.
ბახტაძე ასევე უარყოფს გავრცელებულ ინფორმაციას, რომლის მიხედვითაც, აღნიშნული სარკინიგზო ხაზის აღდგენის თაობაზე საქართველოსა და სომხეთის პრემიერ-მინისტრებს შორის კონსულტაციები გაიმართა.
„მინდა გითხრათ, რომ ამ საკითხთან დაკავშირებით არც ერთ დონეზე, არანაირი პოლიტიკური კონსულტაცია არ მიმდინარეობს’’, - აცხადებს მამუკა ბახტაძე.
ცნობისათვის: სომხეთის პრემიერ-მინისტრმა განაცხადა, რომ საქართველოს პრემიერ-მინისტრთან შეხვედრაზე ლარსის ალტერნატიული გზის თაობაზე შეთანხმდნენ. ოპოზიცია ვარაუდობს, რომ საქართველოს მთავრობა აფხაზეთის გავლით რკინიგზის აღდგენის გეგმას განიხილავს.
ნინო ექვთიმიშვილი