კომენტარი
მანანა კობახიძე არის ანგაჟირებული პოლიტიკური პირი, რომელიც არ შეიძლება იყოს მოსამართლე - ოთარ კახიძე
მანანა კობახიძე არის ანგაჟირებული პოლიტიკური პირი, რომელიც არ შეიძლება იყოს საკონსტიტუციო სასამართლოს მოსამართლე, - განუცხადა ჟურნალისტებს საპარლამენტო უმცირესობის წევრმა ოთარ კახიძემ.
,,ევროპული საქართველოს’’ წევრის თქმით, მანანა კობახიძე არის ერთ-ერთი აქტიური ფიგურანტი იმ იერიშში, რომელიც საპარლამენტო უმრავლესობამ მიიტანა გასულ წელს საკონსტიტუციო სასამართლოს მიმართ.
”მანანა კობახიძის კანდიდატურა განიხილება იქიდან მოყოლებული, როდესაც მან თავის კოლეგებთან ერთად მიიტანა იერიში საკონსტიტუციო სასამართლოს წინააღმდეგ და მოახდინა სასამართლოს ინსტიტუციონალური პარალიზება. ეს იყო პოლიტიკური დაკვეთა ბიძინა ივანიშვილის და ეს დაკვეთა შეასრულა მანანა კობახიძემ. მანანა კობახიძე არის ანგაჟირებული პოლიტიკური პირი, რომელიც არ შეიძლება იყოს მოსამართლე. არ შეიძლება მოსამართლე იყოს ის ადამიანი, რომელიც მონაწილეობდა საკონსტიტუციო სასამართლოს შტურმით აღებაში”, - განაცხადა ოთარ კახიძემ.
ცნობისათვის: პარლამენტი საკონსტიტუციო სასამართლოს მოსამართლის ვაკანტურ თანამდებობაზე მანანა კობახიძის კანდიდატურას წარადგენს.
ნინო ექვთიმიშვილი