უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
საქართველოს პოლიტიკურ ლიდერებს, განსაკუთრებით კი მმართველ პარტიას უნდა ვუთხრათ - მოაგვარეთ 12 პრიორიტეტი! გასაგები და მარტივია - პეტრას აუსტრევიჩუსი
საქართველოს პოლიტიკურ ლიდერებს, განსაკუთრებით კი მმართველ პარტიას უნდა ვუთხრათ - მოაგვარეთ 12 პრიორიტეტი! გასაგები და მარტივია, შეიძლება უფრო მარტივი იყოს? - ვფიქრობ არა, რადგან ყველაფერი წარმოდგენილია კარგად დაწერილი და კარგად ახსნილი, - ამის შესახებ ევროპარლამენტარმა, პეტრას აუსტრევიჩუსმა ევროპარლამენტში განაცხადა, სადაც საქართველოს ევროკავშირთან ასოცირების ხელშეკრულების შესრულებაზე მომზადებულ ყოველწლიური ანგარიშის პროექტი წარადგინეს.
„საქართველოში არსებული სიტუაციის განხილვას დიდ დროს ვუთმობთ. საშუალოდ იმაზე მეტს, ვიდრე რომელიმე სხვა ქვეყანას, რომელსაც განვიხილავთ. რატომ? საქართველოს პოლიტიკურ სისტემაში არის ალბათ, რაღაც, რაც არ გვაძლევს საშუალებას ვიყოთ ოპტიმისტური. საქართველოს პოლიტიკურ ლიდერებს, განსაკუთრებით კი მმართველ პარტიას უნდა ვუთხრათ - მოაგვარეთ 12 პრიორიტეტი! გასაგები და მარტივია, შეიძლება უფრო მარტივი იყოს? - ვფიქრობ არა, რადგან ყველაფერი წარმოდგენილია კარგად დაწერილი და კარგად ახსნილი.
ვფიქრობ, საქართველოს პოლიტიკურ სისტემაში არსებობს სისტემური გამოწვევა. ნამდვილად იდეალური დროა საქართველოსთვის, მოაგვაროს უთანხმოება და ხარვეზები. ვიმედოვნებ, რომ მმართველი პარტია აჩვენებს კონსტრუქციულ და პოზიტიურ მობილიზაციას, ინიციატივას, რომ მოიწვიოს ყველა პოლიტიკური ძალა და გახადოს ისინი ამ სამუშაოს მონაწილეები. ეს ეხება საქართველოს მომავალს და არა ჩვენს გადაწყვეტილებას“, - აღნიშნა პეტრას აუსტრევიჩუსმა.